Сейҷ Сталлоне
Сейҷ Мунблад Сталлоне (англ. Sage Moonblood Stallone, тав. 5 майи соли 1976, Лос Анҷелес, Калифорния, ИМА) — ҳунарпеша, коргардони филм, филмноманавис, таҳиякунандаи филм ва композитори амрикоӣ[1][2]. Лауреати "ҷашнвораи Бостон" (2006) дар номинатсияи "Беҳтарин коргардони навкор" барои филми "Вик" (2006), ки дар он ӯ низ нақш офаридааст, ба ҳайси филмноманавис ва таҳиягар баромад кардааст; ва довталаби "Ҳунарпешаи ҷавон" (1991) барои беҳтарин бозигари ҷавон дар филми тасвирӣ барои нақшаш Роккӣ Балбоаи хурдӣ аз филми "Роки 5".
| англ. Sage Stallone | |
| | |
| Ном ба ҳангоми таваллуд: | англ. Sage Moonblood Stallone |
| Таърихи таваллуд: | 5 май 1976 |
| Зодгоҳ: | Лос-Анҷелес, Калифорния, ИМА |
| Таърихи даргузашт | 13 июл 2012 (36 сол) |
| Маҳалли марг: | Студио Сити, Лос-Анҷелес, Калифорния, ИМА |
| Шаҳрвандӣ: |
 ИМА |
| Касб: | ҳунарпеша, коргардони филм, филмноманавис, таҳиякунандаи филм, композитор |
| Корнома: | 1990 — 2012 |
| IMDb: | ID 0821739 |
Зиндагинома
вироишСейҷ Мунблад Сталлоне 5 майи соли 1976 дар Лос-Анҷелес (Калифорния, ИМА) дар оилаи ҳунарпешаҳо Силвестер Сталлоне (тав. 1946) ва Саша Зак (тав. 1950) таваллуд шудааст, ки солҳои 1974-1985 оиладор буданд. Хатмкардаи мактаби миёнаи Ван Найс, Калифорния дар соли 1993. Як сол дар филмсозӣ дар Мактаби Санъати Донишгоҳи Каролинаи Шимолӣ таҳсил намудааст[3].
Фаъолият
вироишСолҳои 1990-2010 Сейҷ дар 11 филм нақш офарида, як филмро овоз додааст. Нахустин филми ӯ нақши Рокӣ Балбоа хурд буд. дар Рокки 5 (1990), ки барои он ба ҷоизаи «ҳунарпешаи ҷавон» дар номинатсияи «беҳтарин бозигари ҷавон дар синамо» пешниҳод шудааст. Охирин кори филмии ӯ нақши Эрӣ Шейнволд дар филми "Агент" (2010), 2 сол пеш аз маргаш буд.
Дар байни солҳои 2003 ва 2010, Сейҷ коргардон, филмноманавис, продюсер ва оҳангсоз барои чанд филм буд. Соли 2006, Сталлоне барандаи ҷоизаи Бостон (2006) барои филми "Вик" шуд, ки дар он ӯ низ нақш офаридааст, ҳамчун филмноманавис ва филмтаҳиягар баромад кардааст.
Ҳаёти шахсӣ
вироишЧанд муддат, аз соли 1997 сар карда падари ӯгайи Сейҷ навозанда Рик Эш буд; дар солҳои 1985-1987, модари ӯгайи Сейҷ ҳунарпеша Бригитта Нилсен ва аз соли 1997 модел Ҷенифер Флавин буд. Сталлоне як бародари хурдӣ Сержио Сталлоне (тав. 1979) дошт, ки аз дархудмондагӣ азоб мекашад, инчунин 3 хоҳари ҷавонтар аз издивоҷи падараш ба Флавин дорад: София Роуз Сталлоне (тав. 1996), Систин Роуз Сталлоне (тав. 1998) ва Скарлет Роуз Сталлоне (тав. 2002).
Ягона издивоҷи Сейҷ бо Стерлин Райт, ки аз 1 майи соли 2007 то марти 2008 идома дошт, бекор карда шуд.
Даргузашт
вироишҶасади Сейҷи 36-сола рӯзи ҷумъа 13 июли соли 2012 дар хонааш дар Студио Сити, Лос Анҷелес, Калифорния ёфт шуд. Тибқи баъзе хабарҳо, вақте ки ҷасад ёфт шуд, ҳунарпеша се рӯз пештар вафот карда буд[4]. 30 августи соли 2012 гузориш дода шуд, ки сабаби марги Сейҷ сактаи қалбест, ки дар натиҷаи атеросклероз ба амал омадааст[5].
Рӯзи шанбеи 21 июли соли 2012, Сейҷ дар Брентвуд дар қабристони Westwood Village Memorial Park дафн карда шуд.
Филмнома
вироиш| Сол | Номгӯй | Нақш | |
|---|---|---|---|
| 1990 | Rocky V | Роберт Балбоа | |
| 1993 | Fatally Yours | Лео | |
| 1996 | Daylight | Винсент | |
| 1997 | The Manson Family | Ҷей Себринг (овоз) | |
| American Hero | Прайс | ||
| 2002 | Reflections of Evil | Дэн Аугуст | |
| 2005 | Chaos | Swan | |
| Alan Yates | Худаш | Коргардон | |
| 2006 | Vic | Табиб | Филми хурд Филмноманавис, коргардон, продюсер |
| Moscow Zero | Вассилий | ||
| 2007 | Oliviero Rising | Доктор Стефенз | |
| 2010 | Promises Written in Water | Мафия | |
| The Agent | Арӣ Шейнволд | Филми хурд Охирин филми ӯ |
Эзоҳ
вироиш- ↑ Sage Stallone. Yahoo!. 9 июни 2012 санҷида шуд. Баргирифта аз сарчашмаи аввал 28 сентябри 2012.
- ↑ Stallone Jr. Hopes Playing Rocky Jr. Won't Cramp His Lifestyle, The Los Angeles Times. Проверено 28 октябри 2010.
- ↑ нусхаи бойгонӣ. 31 марти 2021 санҷида шуд. Баргирифта аз сарчашмаи аввал 18 июли 2012.
- ↑ Pool, Bob. Sage Stallone, son of Sylvester Stallone, dies at 36, Los Angeles Times (14 July 2012). Проверено 14 июли 2012.
- ↑ Duke, Alan Sage Stallone died of heart attack, not drugs, coroner concludes. CNN. 31 августи 2012 санҷида шуд. Баргирифта аз сарчашмаи аввал 4 октябри 2012.