Эдуард Айрапетянс
Эдуард Данилович Айрапетянс (тав. 21 январ 1923, Самарқанд — 13 марти 1971, Душанбе) — дирижёр, Ходими хизматнишондодаи санъати ҶШС Тоҷикистон] (1968). Фарзанди мусиқидон Айрапетянс Данил Саркисович
| Эдуард Данилович Айрапетянс | |
| Таърихи таваллуд | 21 январ 1923 |
| Зодгоҳ | Самарқанд |
| Таърихи даргузашт | 13 март 1971 (48 сол) |
| Кишвар |
 Тоҷикистон |
| Пеша(ҳо) | дирижёр, мусиқидон |
| Ҷоизаҳо |
  |
Зиндагинома
вироишДар Омӯзишгоҳи мусиқии шаҳри Ленинобод (1941—1945), студияи миллии Консерваторияи давлатии Москва (1945—1947) твҳсил нвмуда, соли 1963 Консерваторияи давлатии Тошкандро ғоибона хатм кардааст. Муддате дар Театри мазҳакаи мусиқии вилоятии Ленинобод ба сифати мудири қисми мусиқӣ ва дирижёр кор кардааст. Солҳои 1948—1962 дирижёр ва аз соли 1963 то поёни умр сардирижёри Театри давлатии академии опера ва балети ба номи Садриддин Айнӣ буд. Дар Омӯзишгоҳи мусиқии шаҳри Душанбе ва факултети санъати Институти давлатии педагогии Душанбе аз синфи опера дарс гуфтааст. Дар саҳнаи театр операҳои «Тоҳир ва Зӯҳро»-и А. Ленский, «Шӯриши Восеъ», «Хосият», «Бахтиёр ва Нисо»-и С. Баласанян, «Комде ва Мадан»-и З. Шаҳидӣ, «Коваи оҳангар», «Бозгашт»-и Я. Сабзанов, балетҳои «Лайлӣ ва Маҷнун»-и С. Баласанян, «Афсонаи кӯҳсор», «Писари Ватан»-и Ю. Тер-Осипов, «Бо роҳи раъди ғуррон»-и Қ. Қароев, «Валси калон»-и И. Штраус, «Гилеми кабуд»-и М. Волберг ва ғайраро таҳия намудааст. Ҳамчун иҷрокунандаи доимии асарҳои композиторони тоҷик ва барпокунандаи консертҳои симфонӣ маъруф буд.
Ҷоизаҳо
вироишБо орденҳои Байрақи Сурхи Меҳнат, «Нишони Фахрӣ», Грамотаҳои Фахрии Президиуми Совети Олии ҶШС Тоҷикистон сарфароз гардидааст.
Сарчашма
вироиш- Айрапетянс // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.
- Обидпур Ҷ. Луғатномаи тафсирии мусиқӣ / зери назари Б.Қобилова. – Душанбе: Аржанг, 2019. – С. 15 – 480 с. ISBN 978-999-47-43-90-2