Ҳошим Содиқов

Ҳошим Содиқов (Содиқов Ҳошим Умарович; 4 июни 1911, Самарқанд — 1994) — физикдон, номзади илмҳои физика ва математика (1951), дотсент.

Ҳошим Содиқов
Содиқов Ҳошим Умарович
Комиссари маорифи халқи ҶШС Тоҷикистон
1943 — 1947
Пешгузашта	Ҳотам Солеҳбоев
Ҷонишин	Ҳабибулло Неъматуллоев
Таваллуд	4 июн 1911(1911-06-04)
Даргузашт	1994(1994)
Дараҷаи илмӣ	номзади илмҳои физика ва математика
Фаъолияти илмӣ
Фазои илмӣ	физик

Зиндагинома

Соли 1931 факултети коргарии ш. Тошкентро хатм намуда, дар мактаби миёнаи ш. Самарқанд аз фанни физика ва математика дарс додааст. Солҳои 1932—1937 дар факултети физикаи Донишгоҳи давлатии ш. Москва таҳсил намудааст. Якчанд солҳо дар шуъбаи шабонаи Донишкадаи давлатии омӯзгории ш. Душанбе ба номи Т. Г. Шевченко ҳамчун муаллим кор кардааст. Солҳои 1939—1940 дар вазифаи сардори шуъбаи мактабҳои олӣ ва миёнаи махсуси Вазорати маорифи ҶШС Тоҷикистон, 1940—1943 директори Донишкадаи давлатии омӯзгории ш. Душанбе ба номи Т. Г. Шевченко, 1943—1947 Вазири маорифи ҶШС Тоҷикистон фаъолият намудааст. Солҳои 1948—1951 вазифаи директори Институти тадқиқотию илмии мактабҳоро ба уҳда дошт. Солҳои 1951—1954 мудири шуъбаи энергетикаи АИ ҶШС Тоҷикистон ва мудири кафедраи физикаи умумии Донишкадаи давлатии омӯзгории ш. Душанбе ба номи Т. Г. Шевченко, 1954—1959 мудири кафедраи физикаи донишкадаи номбурда буд. Солҳои 1959—1968 ҳамчун декани факултети физикаи Донишгоҳи давлатии Тоҷикистон ба номи В. И. Ленин ва муовини ректори донишгоҳ оид ба корҳои илмӣ кор кардааст. Аз соли 1986 ба нафақа баромадааст. Муаллифи мақолаҳои зиёди илмӣ ва чанд дастуру китобҳои дарсӣ мебошад. Барои хидматҳояш сазовори унвони фахрии «Муаллими хизматнишондодаи мактаби ҶШС Тоҷикистон», ордени «Нишони фахрӣ» ва бисёр медалҳои ИҶШС гаштааст.

Пайвандҳо

• Энсиклопедияи Донишгоҳи давлатии омӯзгории Тоҷикистон ба номи С. Айнӣ