Абдураҳимов Рустам

Рустам Абдураҳимов (1938, деҳаи Момандиёни н. Муъминободи вил. Қӯлоб, (ҳоз. Хатлон) – 1992, Душанбе), муаллими забони англисӣ, мутриб, думбуранавозӣ мумтоз.

Абдураҳимов Рустам
Рустам Абдураҳимов
Таърихи таваллуд 1938(1938)
Зодгоҳ ноҳияи Мӯминобод ҶШС Тоҷикистон
Таърихи даргузашт 1992(1992)
Маҳалли даргузашт Душанбе
Кишвар  Тоҷикистон
Пеша(ҳо) мутриб

ЗиндагиномаВироиш

Рустам Абдураҳимов аз хурдсолӣ навохтани думубра (дутори бепарда)-ро аз муаллими забон ва адабиёт М. Шамсов меомӯзад. Баъди хатми мактаби миёна дар Театри халқии н. Муъминобод ба сифати роҳбари мусиқӣ кор кардааст, бо думбура якчанд оҳангҳои халқӣ ва оҳангҳои эҷодкардаи худашро дар консертҳо якканавозӣ кардааст. Соли 1992 дар воқеаҳои ҷанги шаҳрвандии Тоҷикистон иштирок намуда ба ҳалокат расидааст. Духтари ӯ Меҳринигори Рустам, хатмкардаи Консерваторияи миллии Тоҷикистон ба номи Т. Сатторов яке аз овозхонҳои номдори муосири кишвар мебошад.

ЭҷодиётВироиш

Рустам Абдураҳимов муаллифи як қатор навоҳо барои думбура мебошад («Парвози кабк», «Ҷилваи кокул», «Баргрез», «Аллаи модар» ва ғайра). А. 10 наворо дар қартаи овоз бо номи «Навои дил» сабт ва зиёда аз 40 навои халқиву эҷоди худашро дар фонди тиллоии Радиои тоҷик сабт намудааст. Рустам Абдураҳимов барандаи чандин ҷоизаву дипломҳои озмуну фестивалҳои ҷумҳуриявӣ ва байналхалқӣ буда, дар Симпозиуми мусиқии фолклории ш. Ленинград (ҳоз. Санкт-Петербург) барои иҷрои навои Карими Шиш «Хайрбод» ба дипломи дараҷаи якум сарфароз гардидааст.

ҶоизаҳоВироиш

Барандаи чандин ҷоизаву дипломҳои озмуну фестивалҳои ҷумҳуриявӣ ва байналхалқӣ буда, дар Симпозиуми мусиқии фолклории ш. Ленинград (ҳоз. Санкт-Петербург) барои иҷрои навои Карими Шиш «Хайрбод» ба дипломи дараҷаи якум сарфароз гардидааст.[1]

ЭзоҳВироиш

  1. Обидпур Ҷ. Луғатномаи тафсирии мусиқӣ / зери назари Б.Қобилова. – Душанбе: Аржанг, 2019. – С. 9 – 480 с. ISBN 978-999-47-43-90-2