Абдурраҳмон Сивор Даҳаб
Абдурраҳмон Сивор Даҳаб ар. عبد الرحمن سوار الذهب 1934 – 18 октябри 2018 ) – арбоби низомӣ ва сиёсии Судон, Президенти Судон ( 1985 – 1986 ), фелдмаршал.
| ар. عبد الرحمن سوار الذهب | |
 | |
| 6 апрел 1985 — 6 май 1986 | |
| Пешгузашта | Ҷаъфар Нимейрӣ |
| Ҷонишин | Аҳмад Алӣ Мирғонӣ |
| Таваллуд |
1934[1] |
| Даргузашт |
18 октябр 2018[2][1] |
| Ҳизб | |
| Таҳсилот | |
| Эътиқод | ислом |
| Ҷоизаҳо | |
| Навъи артиш | Sudanese Armed Forces[d] |
| Рутба | field marshal[d] |
| Набардҳо | |
 Парвандаҳо дар Викианбор | |
Зиндагинома
вироишСоли 1934 дар шаҳри Омдурман таваллуд шудааст, соли 1958 Академияи ҳарбии Судонро бо рутбаи лейтенанти калон хатм кардааст, дар курсҳои ҳарбӣ дар Британияи Кабир ва Урдун таҳсил кардааст, Академияи ҳарбии Ҷамол Абдулносирро дар Қоҳира (Миср) хатм кардааст. Вай дар қисматҳои гуногуни артиши Судон хидмат мекард, атташеи низомӣ дар Уганда буд. Аз соли 1976 дар ситоди генералии Қувваҳои Мусаллаҳи Халқии Ҷумҳурии Демократии Судон хидмат кардааст. Ӯ сардори штаби генералии артиши Судон дар назди президент Ҷаъфар Нимейрӣ буд [3]. Моҳи марти соли 1985, пас аз сар задани ҷанги дуввуми шаҳрвандии Судон, генерал-полковник Абдураҳмон Сивар Даҳаб бо фармони президент вазири дифоъ ва сарфармондеҳи артиши Судон таъйин шуд.
Соли 1985 дар вакти сафари Ҷаъфар Нимейрӣ ба ИМА гурӯҳи ҳарбӣ бо сардории Сивар Даҳаб табаддулоти давлатиро ба амал овард. 6 апрели соли 1985 Сивар Даҳаб аз номи фармондеҳи олии нерӯҳои мусаллаҳи халқӣ сарнагунии Нимейриро эълон кард ва 9 апрел Шӯрои низомии гузароии Судонро сарварӣ кард [4]. Сарқонуни соли 1983 бекор карда шуд, ҳизби ҳокими иттиҳоди сотсиалистии Судон пароканда карда шуд ва президенти собиқ Нимейрӣ ба ғурбат рафт. Пас аз он Сивар Даҳаб раиси Шӯрои низомӣ шуд. Моҳи апрели соли 1986 дар Судон интихобот барпо гардид, ки баъд аз он ҳукумати нав бо сардории Содик Махдй аз ҳизби «Умма» ташкил карда шуд ва баъд аз он Сивар Даҳаб аз вазифаи президентӣ истеъфо дод.
Соли 1987 раиси Созмони даъвати исломӣ шуд. То моҳи сентябри соли 2010 ӯ ин вазифаро ба ӯҳда дошт.
Ӯ оиладор ва соҳиби панҷ фарзанд буд [4].
Эзоҳ
вироиш- ↑ 1.0 1.1 Munzinger Personen (нем.)
- ↑ https://pantheon.world/profile/person/Abdel_Rahman_Swar_al-Dahab
- ↑ "Sudan buries ex-president who imposed Islamic rule"(англ.). Daily News Egypt (31 May 2009). Баргирифта аз сарчашмаи аввал 29 сентябри 2012.
- ↑ 4.0 4.1 Абдель Рахман Сивар ад-Дагаб (Люди и политика) // Новое время. — М., 1985. — № 23. — С. 27.