Алишер Мирзонабот
Алишер Худобердӣ Мирзонабот (Мирзонаботов) (27 августи соли 1980, ноҳияи Рӯшони Вилояти Мухтори Кӯҳистони Бадахшон, ҶШС Тоҷикистон) — арбоби низомӣ ва давлатии тоҷик, раиси Вилояти Мухтори Кӯҳистони Бадахшон аз 5 ноябри соли 2021, генерал-майор.
| Таваллуд | 27 август 1980 (44 сол) |
|---|---|
Зиндагинома
вироишАлишер Мирзонабот 27 августи соли 1980 дар ноҳияи Рӯшони вилояти Мухтори Бадахшони Кӯҳии ҶШС Тоҷикистон таваллуд шудааст.
Маориф
вироишСоли 1997 мактаби рақами 4-и ноҳияи Рӯшони ВМКБ-ро хатм кардааст.
Соли 2003 Донишкадаи ҳарбии КНБ-и Ҷумҳурии Қазоқистонро хатм кардааст.
Фаъолияти низомӣ
вироишБаъди хатми мактаб дар сафи қӯшунҳои сарҳадӣ, аз соли 1998 то соли 2000 дар қисми низомии 2730 (Душанбе) хидмат кардааст.
Моҳи марти соли 2003 муовини сардори ситоди қисми 2107-и Қӯшунҳои сарҳадии ноҳияи Мурғоби Тоҷикистон, аз январи соли 2004 то моҳи августи соли 2005 сардори ситоди як қисми ҳарбӣ шуда, баъдан дар вазифаҳои гуногун дар қӯшунҳои сарҳадӣ то соли 2017 хидмат кардааст.
Моҳи сентябри соли 2017 дар вазифаи муовини раиси Кумитаи давлатии амнияти миллии Тоҷикистон кор карда, то моҳи сентябри соли 2018 дар ин мақом кор кардааст.
Фаъолияти гражданӣ
вироишМоҳи сентябри соли 2018 муовини аввали раиси Вилояти Мухтори Кӯҳистони Бадахшон таъйин шуд.
24 ноябри соли 2020 бо фармони раисиҷумҳури Тоҷикистон Эмомалӣ Раҳмон раиси шаҳри Хоруғ таъйин шуд[1].
Ӯ 5 ноябри соли 2021 бо фармони раисиҷумҳури Тоҷикистон раиси Вилояти Мухтори Кӯҳистони Бадахшон таъйин шуда, дар ин вазифа Ёдгор Файзовро иваз кард[2].
Оила
вироишОиладор, чор фарзанд.
Эзоҳ
вироиш- ↑ О назначении Мирзонабота А. Х. исполняющим обязанности председателя города Хорога Горно-Бадахшанской автономной области(рус.)(пайванди дастнорас — таърих) (24 ноябри 2020). Баргирифта аз сарчашмаи аввал 3 июли 2022.
- ↑ О назначении Мирзонабота А. Х. исполняющим обязанности председателя Горно-Бадахшанской автономной области(рус.) (24 ноябри 2020).