Open main menu

Боб, Алимуҳаммади Шерозӣ

(Тағйири масир аз Боб Алимуҳаммади Шерозӣ)

Боб (форсӣ: باب‎ — «дарвоза»)[3]Сайид Алимуҳаммади Шерозӣ (форсӣ: سيد علی ‌محمد شیرازی‎) (1819 ё 1820[4] — 1850) —муассиси бобия, роҳбари шӯриши бобиён дар Эрон (1848-50).

Боб Сейид Ҳоҷӣ Мирзо Алимуҳаммад Шерозӣ
ар. الباب سيد علی محمد شیرازی
Сурат
Ном ба ҳангоми таваллуд:

Сайид Алимуҳаммад, писари Сайид Муҳаммадризо

Санаи таваллуд:

20 октябр 1819(1819-10-20)[1][2]

Мамлакат:
Санаи марг:

9 июл 1850(1850-07-09)[1][2] (30 сол)

Commons-logo.svg Боб Сейид Ҳоҷӣ Мирзо Алимуҳаммад Шерозӣ дар Викианбор

ЗиндагиномаВироиш

Аз оилаи тоҷир. Пас аз марги падараш зери ҳимояти тағояш ба тоҷирӣ пардохт, вале масъалаҳои маорифи динӣ бештар таваҷҷуҳи ӯро ҷалб карда буданд. Ба омӯзиши усулу аҳкоми дин пардохт, дар Карбало бо таълимоти шайхияи шиа шиносоӣ пайдо кард ва баъди ба Шероз баргаштанаш ба ислоҳи дин пардохт.

 
Дастхати Боб

Ислоҳи ӯ як ислоҳи маъмулӣ ва хусусияти куллӣ дошт. Ӯ худро «Боб» (ё худ даре) эълон кард, ки Маҳдӣ ба тавассути он иродаташро ба ӯ мунтақил намудааст. Ӯ дар масҷиди Ҳаддодон дар ваъзу суханрониҳояш намояндагони расмии дини исломро зери тозиёнаи танқид гирифта, ба тарғибу ташвиқи таълимоти тозаи ислоҳталабонаи худ пардохта, «Алӣ пеш аз набӣ» ном шиори шиъиёнро ба шиори «Алӣ оинаест, ки сояи Худо дар он намоён аст» иваз намуд. Ин амали ӯ боиси ошӯби мардум гардид ва с. 1847 барои чунин ақидаҳои ислоҳталабонааш ҳабс карданд.

 
Мақбараи Боб дар Ҳифо

Муддате дар қалъаи «Моку»-и Озарбойҷон нигоҳ доштанд, баъд ба қалъаи Ҷаҳрик институтиқол доданд ва аз он ҷо ба Табрез оварданд. Ҳангоми сар задани шӯриши бобиён бо дастури ҳукумат дар ҳабсхона Бобро ба қатл расонданд.

ОсорВироиш

Ӯ муаллифи китобҳои «Баён», «Байн-ул-ҳа­ра­майн» ва тафсири сураи «Юсуф»-и Қуръон мебошад.

ЭзоҳВироиш

  1. 1.0 1.1 SNAC — 2010.
  2. 2.0 2.1 Encyclopædia Britannica
  3. «Персидский Байан. Конспект». Перевод с английского, издательство «Фолиантъ», Казань, 2002, 2006, ISBN 5-94990-001-4, c. 16, Единство II, Глава 1
  4. Там же c. 15, Единство II, Глава 1

СарчашмаВироиш