Зуҳур Ҳабибуллоев
Зуҳур Ҳабибуллоев (Ҳабибуллоев Зуҳур Нурҷонович; 4 январи 1932, Сталинобод, ҶШС Тоҷикистон — 8 апрели 2013, Душанбе, Тоҷикистон) — рассоми тоҷик, Ходими шоистаи санъати Тоҷикистон (1967), Рассоми мардумии Тоҷикистон (1987). Яке аз падидоварандагони Парчами Тоҷикистон[1].
| Таърихи таваллуд | 4 январ 1932 |
|---|---|
| Зодгоҳ: | Сталинобод, ҶШС Тоҷикистон, ИҶШС |
| Таърихи даргузашт | 8.04.2013 |
| Маҳалли даргузашт | Душанбе, Тоҷикистон |
| Шаҳрвандӣ |
 Тоҷикистон |
| Ҷоизаҳо | Рассоми Халқии Ҷуҳурии Тоҷикистон |
Зиндагинома вироиш
Ӯ соли 1932 дар шаҳри Душанбе таваллуд шудааст[2]. Омӯзишгоҳи ҷумҳуриявии рассомии ба номи М. Олимов (1953) ва Омӯзишгоҳи олии рассомию саноатии шаҳри Ленинградро (1958) ба поин оварда, ба корҳои эҷодӣ шуғл варзидааст[3].
Дар шуъбаи рассомии Донишкадаи давлатии санъати Тоҷикистон сабақ додааст. Бештар аз ҳаёти рӯзмарра асарҳо эҷод карда, хусусиятҳои рӯҳии нақши тасвиршавандаро табиӣ ва возеҳ инъикос менамуд. «Сохтмони ГЭС-и Норак», «Меҳмонхона дар Норак», «Стансияи бензингирӣ», «Сари боло», «Чӯпонони Қубониён», «Пашитарошӣ дар Қубониён» дар мавзӯъи рӯзанд, табиати Тоҷикистонро дар «Баҳор», «Най», «Ташнагӣ», «Рамаронӣ дар баҳорон», «Субҳидам» барин расмҳо тасвир сохтааст, натюрмортҳояш — «Палав», «Тайёрӣ ба ид», «Натюрморти помирӣ» баёнгари истеъдоди волои рассоманд. Дар ороиши бисёр биноҳои маъмурию фарҳангии пойтахт фаъолона иштирок кардааст. Иштирокдори чандин намоишгоҳҳои байналмилалӣ мебошад[3].
Ҷоизаҳо вироиш
Бо медал ва Грамотаҳои Фахрии Президиуми Совети Олии Тоҷикистон қадр шудааст[3].
Даргузашт вироиш
Зуҳур Ҳабибуллоев 8 апрели 2013 дар Душанбе дар 82-солагӣ пас аз бемории начандон тӯлонӣ даргузашт[4].
Донистаниҳо вироиш
- Бародари Зуҳур Ҳабибуллоев — Низом Нурҷонов, доктори илм, матраҳтарин пажӯҳишгари театр ва рақси тоҷикӣ ба шумор мерафт масоили марбут ба театр ва рақси тоҷикиро таҳқиқ кардааст.
Эзоҳ вироиш
- ↑ Аввалин Парчами давлати соҳибистиқлоли Тоҷикистон дар Комбинати абрешими шаҳри Хуҷанд омода гардидааст. Кумитаи меъморӣ ва сохтмони назди Ҳукумати Ҷумҳурии Тоҷикистон. 24 феврали 2021 санҷида шуд.
- ↑ Ҷамшед Ғанизода. Дар тасвири ӯ рангҳо «ба сухан» даромаданд.
- ↑ 3.0 3.1 3.2 Арбобони фарҳанги тоҷик. Донишнома / Муаллиф-мураттиб Ёрмуҳаммади Сучонӣ. — Душанбе, 2016. — 863 с.
- ↑ Даргузашти Рассоми мардумӣ Зуҳур Ҳабибуллоев. www.asiaplustj.info. Хабарҳои Тоҷикистон ASIA-Plus. 24 феврали 2021 санҷида шуд.
|
Ин мақолаи хурд дар бораи одам аст. Бо густариши он ба Википедия кӯмак кунед. Дар сурати имкон ин ёддошт бояд дақиқтар ҷойгузин шавад. |