Интихоботи президентӣ дар Тоҷикистон (2020)
← 2013  Тоҷикистон 2027 → | |||
| Интихоботи президент дар Тоҷикистон 2020 | |||
|---|---|---|---|
| Интихоботи навбатии Президенти Ҷумҳурии Тоҷикистон 2020 | |||
| 11 октябри соли 2020 | |||
 |
Интихоботи навбатии Президенти Тоҷикистон — 11 октябри соли 2020 баргузор шуд. Ин интихобот (бо назардошти интихоботи президентии соли 1990 дар ҶШС Тоҷикистон) шашумин интихоботи президентӣ дар таърихи Тоҷикистони мустақил мебошад.
Номзадҳо
вироишНомзадҳои сабтиномшуда
вироишҚарори Раиси Комиссияи марказии интихобот ва раъйпурсии Ҷумҳурии Тоҷикистон бораи бақайдгирии номзадҳо ба мансаби Президенти Ҷумҳурии Тоҷикистон 14 сентябри соли 2020 қабул гардид, ки дар он 5 номзади пешниҳодшуда сабти ном шуданд[1].
| Номзад | Ҳизб | Маълумоти кӯтоҳ |
|---|---|---|
| Рустам Латифзода | Ҳизби аграрии Тоҷикистон | Муҳандис, Раиси ҲАТ. Вакили Маҷлиси намояндагони Маҷлиси Олии Ҷумҳурии Тоҷикистон, даъвати шашум. Бори аввал дар интохобот ширкат дорад. |
| Абдуҳалим Ғаффорзода | Ҳизби сотсиалистии Тоҷикистон | Омӯзгор, Раиси ҲСТ. Вакили Маҷлиси намояндагони Маҷлиси Олии Ҷумҳурии Тоҷикистон,даъвати шашум. Бори севум дар интихобот ширкат дорад. Дар ду интихоботи қаблӣ мақоми панҷумро ишғол кардааст. |
| Эмомалӣ Раҳмон | Ҳизби халқии демократии Тоҷикистон | Иқтисоддон, Раиси ҲХДТ. Президенти феълӣ аз соли 1994, роҳбари давлат аз соли 1992. Дар се интохоботи пешин ширкат карда пайдарҳам пирӯз шудааст. |
| Рустам Раҳматзода | Ҳизби ислоҳоти иқтисодии Тоҷикистон | Иқтисоддон, Раиси ҲИИТ. Вакили Маҷлиси намояндагони Маҷлиси Олии Ҷумҳурии Тоҷикистон,даъвати шашум. Бори аввал дар интохобот ширкат дорад. |
| Мироҷ Абдуллоев | Ҳизби Коммунистии Тоҷикистон | Ҳуқуқшинос, Раиси ҲКТ. Вакили Маҷлиси намояндагони Маҷлиси Олии Ҷумҳурии Тоҷикистон,даъвати шашум. Бори аввал дар интохобот ширкат дорад. |
Номзадҳои сабтиномнашуда
вироишКомиссияи марказӣ бинобар ба талаботи қисми сеюми моддаи 65 Конститутсия ва қисми чоруми моддаи 24-и Қонуни конститутсионии болозикр ҷавобгӯй набудани ҳуҷҷатҳо бақайдгирии номзад ба мансаби Президенти Ҷумҳурии Тоҷикистон Саидҷаъфар Усмонзодаро, ки аз ҷониби Ҳизби Демократи Тоҷикистон пешбарӣ гардидааст, рад намуд[2].
Натоиҷ
вироишИнтихоботи Президенти Тоҷикистон рӯзи 11 октябри соли 2020 бо иштироки 4 миллиону 238 ҳазору 839 интихобкунанда, ки 85,44% шумораи умумии интихобкунандагони ба рӯйхати интихобкунандагон дохилкардашударо ташкил дода, баргузоршуда дониста шуд.
Комиссияи марказии интихобот ва раъйпурсии Ҷумҳурии Тоҷикистон шумораи овозҳои ба "тарафдорӣ" ва шумораи овозҳои "зид"-и ҳар як номзад додашударо ҳисоб намуда, натиҷаи ниҳоии онро бо чунин нишондиҳандаҳо тасдиқ менамояд:
- Эмомалӣ Раҳмон – “тарафдор” 3 миллиону 853 ҳазору 987 нафар (90,92%);
- Латифзода Рустам Барот – “тарафдор” 128 182 нафар (3,02%);
- Раҳматзода Рустам – “тарафдор” 90 918 нафар (2,14%);
- Ғаффорзода Абдуҳалим Розиқ –“тарафдор” 63 082 нафар (1,49%);
- Абдуллоев Мироҷ Санонович –“тарафдор” 49 535 нафар (1,17%).
Эмомалӣ Раҳмон аз рӯи натиҷаи ниҳоии интихобот бо гирифтани 3 миллиону 853 ҳазору 987 овози интихобкунандагони дар овоздиҳӣ иштирокнамуда, ки 90,92%-ро ташкил медиҳад, Президенти Ҷумҳурии Тоҷикистон интихобшуда ҳисобида мешавад.[3].
Эзоҳ
вироиш- ↑ Қарори Раиси КМИР дар бораи бақайдгирии номзадҳо ба мансаби Президенти Ҷумҳурии Тоҷикистон ба тасвиб расид(тоҷ.). АМИТ "Ховар". 15 сентябри 2020 санҷида шуд. Баргирифта аз сарчашмаи аввал 8 октябри 2020.
- ↑ КМИР шахсони боэътимоди номзадҳо ба мансаби Президенти Ҷумҳурии Тоҷикистонро дар асоси рӯйхати пешниҳоднамудаи онҳо ба қайд гирифт(тоҷ.). АМИТ "Ховар". 15 сентябри 2020 санҷида шуд. Баргирифта аз сарчашмаи аввал 21 сентябри 2020.
- ↑ (КМИР)-и Тоҷикистон натиҷаҳои ниҳоии овоздиҳӣ дар маъракаи интихоботи президенти Тоҷикистонро эълон кард(тоҷ.). sputnik.tj. 15 октябри 2020 санҷида шуд.