Маҷлиси Олии Ҷумҳурии Тоҷикистон
Маҷлиси Олии Ҷумҳурии Тоҷикистон — ниҳоди олии намояндагӣ ва қонунгузории Ҷумҳурии Тоҷикистон аст[1].
Сохтор
вироишМаҷлиси Олӣ аз ду бахш — Маҷлиси миллӣ ва Маҷлиси намояндагон ташкил шуда аст. Муддати ваколати аъзои Маҷлиси миллӣ ва вакилони Маҷлиси намояндагон 5 сол аст. Ташкил ва фаъолияти Маҷлиси Олиро қонуни конститутсионӣ танзим мекунад.
Тартиби ташаккул
вироишТартиби ташаккули Маҷлиси намояндагони Маҷлиси Олӣ дар моддаи 49 Конститутсияи Ҷумҳурии Тоҷикистон оварда шудааст. Маҷлиси намояндагон дар интихоботи умумӣ, баробар, мустақим ва бо раъйдиҳии пинҳонӣ шакл мегирад; доимоамалкунанда ва касбӣ мебошад ва 63 намоянда дорад. Вакили Маҷлиси намояндагон шаҳрванде метавонад интихоб шавад, ки бештар аз 30-сола ва дорои таҳсилоти олӣ бошад.
Маҷлиси миллӣ 33 узв дорад, ки 25 тан аз онҳо, ки сечаҳоруми аъзои Маҷлиси миллиро ташкил медиҳанд, ғайримустақим аз Вилояти Мухтори Кӯҳистони Бадахшон, вилоятҳо ва шаҳру ноҳияҳои онҳо, шаҳри Душанбе ва ноҳияҳои он, ноҳияҳои тобеъи ҷумҳурӣ бо раъйдиҳии пинҳонӣ интихоб мешаванд. 8 тан аз онҳоро, ки якчаҳоруми аъзои Маҷлиси миллиро ташкил медиҳанд, Президенти Ҷумҳурии Тоҷикистон таъйин мекунад.
Фаъолияти Маҷлиси миллӣ даъватӣ мебошад. Шаҳрванде, ки сини ӯ аз 30 боло аст ва дорои таҳсилоти олӣ мебошад, метавонад узви Маҷлиси миллӣ интихоб ё таъйин шавад[2].
Нигаред низ
вироишЭзоҳ
вироиш- ↑ Моддаи 48. Конститутсияи Ҷумҳурии Тоҷикистон. mmk.tj. Маркази миллии қонунгузории назди Президенти Ҷумҳурии Тоҷикистон. 12 марти 2024 санҷида шуд.
- ↑ нусхаи бойгонӣ. 5 марти 2012 санҷида шуд. Баргирифта аз сарчашмаи аввал 28 апрели 2015.