Миралӣ Достиев

Миралӣ Достиев - сарояндаи Театри давлатии академии опера ва балети ба номи Садриддин Айнӣ. Ҳунарпешаи халқии Тоҷикистон (2003), дорандаи Ҷоизаи давлатии ба номи А. Рӯдакӣ (2010) [1], вакили Маҷлиси намояндагони Маҷлиси Олии Ҷумҳурии Тоҷикистон даъвати V [2]

Миралӣ Достиев
Таърихи таваллуд 15 октябри соли 1958
Зодгоҳ Ноҳияи Ҳамадонӣ
Пеша(ҳо) сароянда

ЗиндагиномаВироиш

Миралӣ Достиев Гургакович 15 октябри соли 1958 дар ноҳияи Мир Сайид Алии Ҳамадонӣ таваллуд шудааст. Маълумоташ олӣ, соли 1981 Донишкадаи давлатии санъати Тоҷикистонро бо ихтисоси солист-вокалист, овозхони опера хатм кардааст. Фаъолияти меҳнатиашро соли 1981 ба ҳайси солист-вокалисти Ансамбли тарона ва рақси “Бунафша”-и ноҳияи собиқ Совет оғоз карда, минбаъд аввал солист-вокалист ва баъдтар директори Театри давлатии академии опера ва балети ба номи С.Айнӣ ва солҳои 2006-2013 муовини аввали вазири фарҳанги Ҷумҳурии Тоҷикистон шуда кор кардааст. Аз моҳи декабри соли 2013 инҷониб дар вазифаи директори Театри давлатии академии опера ва балети ба номи Садриддин Айнӣ фаъолият дорад. Бо унвони фахрии “Ҳунарпешаи халқии Тоҷикистон” (2003) ва унвонҳои дигари давлатӣ қадршиносӣ шудааст.

Миралӣ Достиев, директори Театри давлатии академии опера ва балети ба номи Садриддин Айнӣ бидуни баргузории интихобот аз рӯйи феҳристи ҷумҳуриявии ҲХДТ вориди парлумон шуд. Ваколати вакилии Низом Қосим, ки дар интихоботи парлумонии якуми марти Тоҷикистон аз рӯйхати ҷумҳуриявии ҲХДТ соҳиби курсӣ шуд, бо сабаби раиси Иттифоқи нависандагон интихоб шуданаш, пеш аз муҳлат қатъ гардид.[3][4]

Ҳунар дар ТеатрВироиш

Миралӣ Достиев сарояндаи шинохтаи операи тоҷик (садояш баритони лирикӣ), Ҳунарпешаи шоистаи Тоҷикистон (1997), Ҳунарпешаи халқии Тоҷикистон (2003). С. 1981 ДДСТ ба номи М. Турсунзодаро хатм намудааст. Солҳои 1981-2002 сарояндаи Театри давлатии академии опера ва балети ба номи С. Айнӣ. Аз соли 2002 директор ва сарояндаи ҳамин театр. Д. маҳорати баланди касбӣ ва овози форами дилнишин дорад. Дар операҳои композиторони тоҷик ва классикии ҷаҳонӣ зиёда аз 30 нақш, аз ҷумла Мируло (Ҷ. Вердӣ «Риголетто»), Маркиз д'Обри (Ҷ. Верди «Травиата»), Онегин (П. Чайковский «Евгений Онегин»), Елетский (П. Чайковский «Модкаи қарамашоқ»), Фигаро (Ҷ. Россини «Сартароши севилӣ»), Дон Жуан (В. Мотсарт «Дон Жуан»), Валентин (Ш. Гуно «Фауст»), Наср (Ш. Сайфиддинов «Рӯдакӣ»), Кумар (Т. Шаҳидӣ «Посбони оташ»), Исмоил («Т. Шаҳидӣ «Амир Исмоил»), Рустам (Т. Сатторов «Рустам ва Суҳроб»); дар опера-балети Т. Сатторов («Фарёди дуриҳо»), нақши Восеъро офаридааст. Д. лауреати якчанд озмунҳои байналмилалии овозхонони касбӣ мебошад. Ӯ дорандаи Ҷоизаи давлатии ба номи Абуабдуллоҳ Рӯдакӣ буда, ба кишварҳои гуногуни дунё сафарҳои ҳунарӣ намудааст.[5]

Нигаред низВироиш

ЭзоҳВироиш

  1. Cомонаи театр/Миралӣ Достиев
  2. вакилони Маҷлиси намояндагон
  3. Миралӣ Достиев ба ҷойи Низом Қосим омад
  4. Достиев
  5. Обидпур Ҷ. Луғатномаи тафсирии мусиқӣ / зери назари Б.Қобилова. – Душанбе: Аржанг, 2019. – С.134. – 480 с. ISBN 978-999-47-43-90-2(тоҷ.)

ПайвандҳоВироиш