Сураи Абаса

Сураи Абаса (араб. سورة عبس — рӯ турш кардан) — ҳаштодум сураи Қуръон. Аз 42 оят ва як рукӯъ иборат мебошад

Сура —
Маънои ном	рӯ турш кардан
Гурӯҳбандӣ	Маккӣ
Омор
Рақами сура	80
Шумораи оятҳо	42
Ҷузъ	30
Шумораи рукӯъ	1
Сураи гузашта	Сураи Ан Нозиот
Сураи раванд	Сураи Ат Таквир
Тарҷумаҳо	QuranAcademy.org Koran.IslamNews.ru

Мундариҷа

Дар Макка нозил шуда, ба тартиби нузул сураи 17-ум аст. Номи Абаса аз ояти якум гирифта шудааст. Сабаби нузули онро чунин гуфтаанд: Абдуллоҳ ибни Умми Мактум (саҳоба) дар ҳоле назди Пайғамбар (с) омад, ки ӯ машғули даъвати бузургони Қурайш ба Ислом буд ва бехабар сухани Пайғамбарро (с) бурид. Ҳазрати пайғамбар (с) рӯ турш карда аз ӯ рӯ гардонид. Худо Пайғамбарашро (с) итоб кард (оятҳои 1 — 10). Мавзӯи оятҳои дигар чунин аст: Қуръон, инсон, офаринишу парвариши ӯ, ризқу рӯзии ӯ, фаро омадани сайҳа — дамидани сур, даҳшатҳои он рӯз, гурӯҳи растагор ва гурӯҳи гирифтор дар он рӯз.

Рӯйро турш кард ва сар баргардонид, чун он нобино ба наздаш омад, Ва ту чӣ донӣ, шояд, ки ӯ покиза шавад, ё панд гирад ва панди ту фоидааш кунад. Аммо он ки ӯ тавонгар аст, ту рӯи худ ба ӯ мекунӣ ва агар ҳам пок нагардад, чизе бар зиёни ту нест. Ва аммо он, ки шитобон ба назди ту меояд ва метарсад, (аз худо). ту аз ӯ ба дигаре рӯй, меорӣ. Қуръон 80:1—10 (Оятӣ)

Сарчашма

• А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.

Сураи қаблӣ: Ан Нозиот

Сура 80 — Матни арабӣ

Сураи баъдӣ: Ат Таквир