Қатли Самуэл Патӣ
Қатли Самуэл Патӣ — дар канори Париж дар Конфланс-Сен-Онорин, 16 октябри соли 2020 рух додааст. Як муаллими мактаби миёнаи фаронсавӣ Самуэл Патӣ кушта сараш аз тан ҷудо карда шудааст. Ӯро як зодаи Чеченистон куштааст, зеро он тасвирҳоро таҳқири Паёмбар Муҳаммад ҳисоб мекард[1].
Дар дарси озодии сухан Патӣ ба шогирдонаш як тасвирро нишон дода, расми пайғамбари ислом Муҳаммад мехонад, ки 2 июли соли 2008 аз ҷониби Charlie Hebdo нашр шудааст[2][3][4][5][6]. Ҷавон бо корди 30 сантиметрӣ Патиро кушта сарашро аз тан ҷудо кардааст. Ҷавони 18-солаи зодаи Чеченистон ҳангоми боздошт аз ҷониби полис кушта шуд. Ин куштор яке аз чанд ҳамлаи исломгароён дар Фаронса дар солҳои охир ба ҳисоб меравад.
Куштор
вироишАбдуллоҳ Абуезидович Анзоров, ки бо корди калон мусаллаҳ буд, ба муаллим дар назди мактаби миёнаи Конфланс-Сен-Онорин, воқеъ дар 25 километрии маркази Париж, ҳамла карда, ба гардани ӯ як силсила захмҳои бурида расонд ва баъдан сарашро бурид. Ба гуфтаи шоҳидони айнӣ, дар лаҳзаи ҳамла ӯ бо овози баланд «Аллоҳу Акбар» гуфтааст. Полис ҳамлагарро дар шаҳри ҳамсояи Эрагни дастгир кард. Вақте ки аз ӯ таслим шуданро талаб карданд, ӯ бо силоҳи худ онҳоро таҳдид кардан гирифт, ки пас аз он ӯро паррониданд[7][8].
Ҷабрдида
вироишСамуэл Патии 47-сола панҷ сол омӯзгори таърих, ҷуғрофия ва ҷомеаи шаҳрвандии коллеҷи Бойс д’Аулн буд. Ӯ оиладор ва соҳиби фарзанд буд[9].
Гунаҳкор
вироишБа гуфтаи мақомоти Фаронса, исми ҳамлагар Абдуллоҳ Абуезидович Анзоров будааст. 12 марти соли 2002 дар шаҳри Маскав (Русия) таваллуд шуда, аз хурдӣ ба Фаронса омадааст (соли 2008), дар он ҷо мақоми гурезро ба даст овардааст.
Аксуламал
вироишФаронса
вироишПрезиденти Фаронса Эммануэл Макрон ба мактабе, ки Патӣ дар он ҷо кор мекард, ташриф овард ва гуфт, ки ин ҳодиса «як ҳамлаи террористии исломист».
Вазири маорифи Фаронса Жан-Мишел Бланке ин кушторро «ҳамла ба миллати фаронсавӣ дар маҷмӯъ» номид.
Додситони зиддитерроризми Фаронса гуфт, ки муаллим «барои таълим додан кушта шудааст» ва ин ҳамла ба озодии сухан аст.
Ҳэштеги #JeSuisProf (ман муаллимам) ба дастгирии муаллим ва озодии сухан боз карда шуд. Чунин ҳэштеги #JeSuisCharlie пас аз ҳамла ба рӯзномаи Charlie Hebdo роҳандозӣ шудааст.
18 октябр дар Париж ба ёди Самуэл Патӣ намоишҳои оммавӣ баргузор шуданд. Мардум дар майдони Ҷумҳурӣ бо плакатҳои «Je suis enseignant» («Ман муаллим ҳастам») ва шиорҳои «Таҳаммулпазирии сифр нисбат ба душманони ҷумҳурӣ» ҷамъ омада буданд. Дар ин амал сарвазир Жан Кастекс ва шаҳрдори Париж Анн Идалго ширкат варзиданд. Намоишҳо инчунин дар Лилл, Лион, Марсел, Бордо, Тулуза ва шаҳрҳои дигар баргузор шуданд.
Ҷаҳони мусулмонон
вироишДабири кулли Лигаи Ҷаҳони Мусалмонон Шайх Муҳаммад бин Абдулкарим Исо гуфтааст, ки «аъмоли хушунат ва терроризм дар ҳама динҳо ҷиноят буданд». Мусалмононро даъват карданд, ки маҳсулоти фаронсавӣ дар кишварҳояшон бойкот карда шавад. Супермаркетҳои Кувайт ва Қатар молҳои фаронсавиро бойкот карданд.
Вазорати корҳои хориҷии Миср ба оилаи Патӣ таъзия баён намуда, қотилро маҳкум кард. Президент Сийсӣ гуфт, ки озодии сухан бояд муносибати мусалмонон қатъ шавад.
Вазорати корҳои хориҷии Арабистони Саудӣ изҳороте пахш кард, ки дар он иртиботи Ислом бо терроризмро рад кард, ва намоиши тасвирҳои Муҳаммадро маҳкум кард.
Марокаш дар як изҳорот тасвирҳоро «амали иғвоангез» номидааст.
Дар Эрон эътирозҳо дар атрофи сафоратхонаи Фаронса баргузор карда шуд.
Дар Бангладеш, ҳазорҳо нафар эътирозҳо алайҳи Макрон баргузор карданд.
Сардори Чеченистон Рамзан Қодиров дар шабакаҳои иҷтимоӣ муроҷиатномае нашр кард, ки аз ҷумла мегӯяд (услуби нусхаи аслӣ ҳифз шудааст):
Ин фоҷиа касро ба андеша водор месозад, ки ҷомеаи Фаронса, дар бораи демократия сухан ронда, аксар вақт онро бо раво будан, намоиши муносибати ғайри қобили қабул ба арзишҳои исломӣ омехта мекунад. Чунин амалҳоро танҳо иғвоангезӣ номидан мумкин аст. Зидди терроризм дар ҳама гуна шакл қатъиян сухан гуфта, ман шуморо даъват мекунам, ки диндоронро ба хашм наоред, ба эҳсосоти динии онҳо осеб нарасонед.
Тафтишот
вироишДар ҷараёни тафтиш наздикони ҷавони гунаҳкор ва ходими яке аз масҷидҳо боздошт шуданд. Ғайр аз он, чор нафар хонандагони мактабе, ки Патӣ кор мекард, боздошт шуданд. Гуфта мешавад, ки онҳо муаллимро ба қотил ишора кардаанд, ки эҳтимолан барои пул аст.
Падари яке аз донишҷӯён боздошт шуд, ки аз дарсҳои Патӣ норозӣ буд. Бино бар гузоришҳо, вай каме пеш аз куштор бо ҷавони гунаҳкор паёмнависӣ кардааст. Ғайр аз он, ӯ ҳамроҳ бо имоми яке аз масҷидҳо, ки матбуоти Фаронса ӯро исломгарои радикал номидааст, фатвое содир кард, ки муаллимро ҷазо медиҳад. Ба гуфтаи вазири умури дохилӣ Ҷералд Дарманен, ҳарду дар куштори марбут ба терроризм айбдор карда мешаванд.
Эзоҳ
вироиш- ↑ The issue of depicting the Prophet Muhammad
- ↑ Anthony Paone. For a teacher in France, a civics class was followed by a gruesome death. Reuters (October 16, 2020). 17 октябри 2020 санҷида шуд. Баргирифта аз сарчашмаи аввал 17 октябри 2020.
- ↑ Eva Tapiero. Teacher decapitated in Paris suburb, France's anti-terror prosecutor says. CNN (October 17, 2020). 17 октябри 2020 санҷида шуд. Баргирифта аз сарчашмаи аввал 17 октябри 2020.
- ↑ France terror attack: Teacher decapitated in Paris suburb named as Samuel Paty. Sky News (October 17, 2020). 17 октябри 2020 санҷида шуд. Баргирифта аз сарчашмаи аввал 17 октябри 2020.
- ↑ Elaine Ganley. French leader decries terrorist beheading of teacher. AP News (October 17, 2020). 17 октябри 2020 санҷида шуд.
- ↑ Kim Willsher. Teacher decapitated in Paris named as Samuel Paty, 47. The Guardian (October 17, 2020). Баргирифта аз сарчашмаи аввал 17 октябри 2020.
- ↑ Teacher decapitated in Paris for showing cartoon of a nude Prophet Mohammad is pictured (17 October 2020). Проверено 17 октябри 2020.
- ↑ Crisp. Social media bosses summoned by French government after terrorist beheads teacher (October 17, 2020).
- ↑ France terror attack: Teacher decapitated in Paris suburb named as Samuel Paty. Sky News.