Ҷӯра Латифов

Ҷӯра Латифов — доктори илмҳои таърих (1997), профессор (2001). Академики АПФР (1998), Ходими хизматнишондодаи илми ҶТ (1998).

Ҷӯра Латифов
Ҷӯра Латифов
Таърихи таваллуд	7 март 1938(1938-03-07) (86 сол)
Зодгоҳ	Душанбе, ҶШС Тоҷикистон, ИҶШС
Кишвар	Тоҷикистон
Фазои илмӣ	таърих
Ҷойҳои кор	Кумитаи Марказии ИЛКҶ Тоҷикистон, КМ Ҳизби коммунистии Тоҷикистон, Вазорати шуғли аҳолии Тоҷикистон, Вазорати маорифи Тоҷикистон, Донишгоҳи славянии Русияву Тоҷикистон
Дараҷаи илмӣ:	доктори илмҳои таърих
Унвонҳои илмӣ	профессор
Алма-матер	Донишгоҳи техникии Тоҷикистон ба номи М. Осими
Ҷоизаҳо	Ордени "Дӯстии халқҳо", медалҳо "Барои меҳнати шоиста", "Барои меҳнати шоҷоатнок", "Аз халқи миннатдори Афғонистон", Ифтихорномаи Президиуми Совети Олии ҶШС Тоҷикистон

Зиндагинома

Ҷӯра Латифов 7 марти 1938 дар шаҳри Сталинобод ба ҷаҳон омадааст. Донишгоҳи техникии Тоҷикистон ба номи М. Осимиро (1961) хатм намудааст.

• 1961-1964 - муовини директори Омӯзишгоҳи касбӣ-техники №30 шаҳри Душанбе,
• 1964-1969 - котиби якуми ташкилоти комсомолии ноҳияи Октябр ва шаҳри Душанбе,
• 1969-1972 - котиби Кумитаи Марказии комсомоли Тоҷикистон,
• 1972-1986 - мудир ва котиби якуми ҳизби коммунистии ноҳияи Марказии шаҳри Душанбе,
• 1986-1992 - мудири шуъбаи КМ ҲКТ, муҳаррири маҷаллаи "Коммунисти Тоҷикистон", котиби ВКХ Тоҷикистон ва корманди сафорати Афғонистон,
• 1992-1998 - сардори раёсати Вазорати шуғли аҳолии Тоҷикистон,
• 1999-2001 - мутахассиси Вазорати маорифи Тоҷикистон,

Аз соли 2001 — то ҳоло профессори Донишгоҳи славянии Русияву Тоҷикистон

Фаъолияти илмӣ

Муаллифи зиёда аз 100 асару мақолаҳои илмӣ, илмӣ-оммавӣ ва корҳои илмӣ-методӣ дар бораи масъалаҳои муносибатҳои Тоҷикистону Афғонистон, ҷаҳонишавии давлатҳои Авруосиё, иҷтимоиёт, ислоҳоти маорифи ҶТ аст. Мақолаҳои илмии ӯ дар Русия, ИМА, Эрон, Финляндия ва диг. мамолик нашр шудаанд. Ҷӯра Латифов иштирокчии якчанд ҳамоишҳои байналмилалии илмӣ дар (Анкара, 1993), (Москва, 1994), (Хелсинки, 1994), ([[Ашқобод, 1997), (Турин, 1998), (Будапешт, 1999), (Теҳрон, 2003) мебошад.

Намунаи осор

• Влияние внутренних и внешних сил на безопасность Южного Кавказа. - Тегеран, 2005;
• Янки гоухом, отменяется. - Нью-Йорк, 2005;
• Афганистан: семена надежды. (Урегулирование политической ситуации, укрепление государственных основ и проблемы постконфликтного восстановления Афганистана). - Душанбе, 2007 ва диг.

Ҷоизаҳо

Ордени "Дӯстии халқҳо" ва якчанд медалҳо "Барои меҳнати шоиста", "Барои меҳнати шоҷоатнок", "Аз халқи минатдори Афғонистон", Ифтихорномаи Президиуми Совети Олии ҶШС Тоҷикистон ва диг. сарфароз гардонида шудааст.

Пайвандҳо

• Сомонаи Донишгоҳи славянии Тоҷикистону Русия Бойгонӣ шудааст 22 ноябри 2016  сол.