Давлат Қурбонов
Давлат Қурбонов (тав. 1943, деҳаи Лағмон,ноҳияи Кӯлоб) — дирижёр, роҳбари бадеии Ансамбли давлатии «Шашмақом»-и ба номи Ф. Шаҳобови Кумитаи телевизион ва радиои назди Ҳукумати Ҷумҳурии Тоҷикистон (1982-1986, 2007), Ходими хизматнишондодаи санъати ҶШС Тоҷикистон (1989), Ҳунарпешаи шоистаи Тоҷикистон (1999).
| Давлат Қурбонов | |
| Таърихи таваллуд | 1943 |
| Зодгоҳ | деҳаи Лағмон ноҳияи Кӯлоб ҶШС Тоҷикистон |
| Кишвар |
 Тоҷикистон |
| Пеша(ҳо) | мутриб, дирижёр |
| Ҷоизаҳо | Ходими хизматнишондодаи санъати ҶШС Тоҷикистон (1989), Ҳунарпешаи шоистаи Тоҷикистон (1999 |
Зиндагинома вироиш
Давлат Қурбонов хатмкардаи омӯзишгоҳи мусиқии Душанбе (1958-1963), Консерваторияи давлатии Тошканд (1965), факултаи санъати Доношгоҳи омӯзгории Душанбе (1972) буда, фаъолияти эҷодиашро дар оркестри созҳои миллии Кумитаи давлатии радио ва телевизиони ҶШС Тоҷикистон ба сифати ғижжакнавоз (1961-1963) оғоз намуда, сипас директори мактаби бачагонаи мусиқии шаҳри Кӯлоб (1965-68), мудири бахши созҳои миллии Омӯзишгоҳи мусиқии шаҳри Душанбе (1972-1977), дирижёри Оркестри созҳои миллӣ (1977-1982), дирижёр ва роҳбари бадеии Оркестри созҳои миллии Кумитаи телевизион ва радиои назди Ҳукумати Ҷумҳурии Тоҷикистон (1982-1986) хидмат намудааст. Ӯ роҳбари бадеии Ансамбли давлатии «Шашмақом»-и ба номи Ф. Шаҳобови Кумитаи телевизион ва радиои назди Ҳукумати Ҷумҳурии Тоҷикистон (1982-1986, 2007) буд.[1] Қурбонов солҳои 1986-88 роҳбари бадеӣ ва сардирижёри оркестри созҳои халқии Кумитаи телевизион ва радиошунавонӣ. Аз соли 2009 сардирижёри Филармонияи давлатии Тоҷикистон ба номи А. Ҷӯраевро адо мекунад.
Эҷодиёт вироиш
Дар тӯли ин солҳо асарҳои зиёди гуногунҳаҷму гуногунжанрро барои оркестри созҳои халқӣ табдилу таҳия намуда, репортуари онро мунтазам наву рангин месозад. Қ. дар тӯли фаъолияташ асарҳои композиторони машҳури ҷаҳон – Ж. Бизе, Э. Григ, В. Мотсарт, композиторони рус – М. Глинка («Фантазия»), П. Чайковский («Рақси русӣ»), композитори арман А. Хачатурян (Рақсҳо аз балети «Гаянэ»), асарҳои композиторони тоҷик – Ш. Сайфиддинов («Сютаи рақсии №1»), З. Шаҳидӣ («Ёри мо»), Я. Сабзанов («Консерт барои фортепиано»), Д. Дустмуҳаммадов («Увертюраи дустӣ»), А. Одинаев («Гулдастаи баҳорӣ») ва ғ.–ро дирижёрӣ кардааст. Иштирокчии Даҳа ва Рӯзҳои адабиёт ва санъати тоҷик дар Москва (1964) ва Симпозиуми байналхалқии мусиқии халқӣ ва классикӣ дар Самарқанд (1983).[2] Ӯ тавассути Оркестри созҳои миллӣ осори оҳангсозони ҷаҳонӣ ва миллиро дирижёрӣ намуда, иштирокдори даҳаи адабиёт ва санъати тоҷик дар Русия (Москва, 1964), рӯзҳои фарҳанги тоҷик дар Русия (2005), дар ЮНЕСКО (Франсия, 2005) ва ғ. буда, барои хидматҳои шоистааш дар тарғиб ва рушди мусиқии тоҷик бо Ифтихорномаҳои Ҷумҳурии Тоҷикистон сарфароз шудааст.
Адабиёт вироиш
- Таджикское искусство. - М., 2002;
- Таджикская музыка. - Душанбе, 2003;
- Энсиклопедияи адабиёт ва санъати тоҷик, ҷ.3. - Душанбе, 2004;
- Ҳакимов Н. Шашмақом дар қарни ХХ. - Хуҷанд, 2006.
Ҳамчунин нигаред вироиш
Сарчашма вироиш
- ↑ Донишномаи Шашмақом./Зери таҳрири Олимов К., Абдувалиев А., Азизӣ Ф., Раҷабов А., Ҳакимов Н. – Душанбе, 2009. - с. 114 ISBN 978-99947-49-13-3
- ↑ Обидпур Ҷ. Луғатномаи тафсирии мусиқӣ / зери назари Б.Қобилова. – Душанбе: Аржанг, 2019. – С. 202 – 480 с. ISBN 978-999-47-43-90-2 (тоҷ.)