Дӯстмурод Ҳакимов (маъруф ба Дости Бурут; 1934, деҳаи Муллотуғмаи ноҳияи Файзобод, ҶШС Тоҷикистон — 25 июни 2018, Душанбе, Тоҷикистон) — кишоварз, соҳибкор ва яке аз асппарварони маъруфи Тоҷикистон[1].

Дӯстмурод Ҳакимов
Дости Бурут
Таърихи таваллуд 1934(1934)
Зодгоҳ деҳаи Муллотуғма, ноҳияи Файзобод, ҶШС Тоҷикистон
Таърихи даргузашт 25 июн 2018(2018-06-25)
Маҳалли даргузашт Душанбе, Тоҷикистон
Шаҳрвандӣ  Тоҷикистон
Пеша кишоварз, асппарвар, соҳибкор
Ҳамсар Гулсун Ҳакимова

Зиндагинома вироиш

Дӯстмурод Ҳакимов соли 1934 дар деҳаи Муллотуғмаи ҷамоати Ҷавонони ноҳияи Файзобод ба дунё омада, як соҳибкори матраҳ ва пурнуфуз дар ноҳияи Файзобод ва навоҳии атрофи он ба шумор мерафт. Бисёриҳо аз ӯву хонаводааш дар инҷо ба некӣ ёдоварӣ мекунанд ва мегӯянд, ки Дости Бурут бахусус дар даврони гуруснагии солҳои ҷанги шаҳрвандӣ ба садҳо хонаводаи муҳтоҷ дар ин қаламрав дасти ёрии худро дареғ надоштааст[2].

Хонавода вироиш

Ду фарзанди ӯ — Акбар Ҳакимов ва Меҳроҷиддин Ҳакимов — бо кумаки обрӯву нуфузи падар ва хонаводаашон тавонистаанд аз ҳавзаи Файзобод ду навбат вакили Маҷлиси намояндагони Маҷлиси Олии Ҷумҳурии Тоҷикистон низ шаванд.

Фаъолияти кишоварзӣ вироиш

Дӯстмурод Ҳакимов дар сатҳи ҷумҳурӣ ҳамчун як асппарвари маъруф шинохта шудааст. Гуфтан мумкин, барқарор намудани зоти аспи тоҷикӣ низ дар ҷумҳурӣ бо ташаббуси бобои Дӯстмурод Ҳакимов дар хоҷагии «Дошмандӣ»-и ноҳияи Файзобод рӯи кор омад[3]. Айни ҳол баробари ривоҷи чорвои калону майда ва занбӯри асал дар хоҷагии деҳқонии «Дошмандӣ» 403 сар аспи зоти тоҷикӣ парвариш меёбад[1]. Аспҳои зоти тоҷикии «Дошмандӣ» дар мусобиқаҳои ҷумҳуриявӣ ва байналмилалӣ дар сархати ҷойҳои ифтихорӣ меистанд.

Даргузашт вироиш

Дӯстмурод Ҳакимов 25 июни соли 2018 соати 13 дар бемористони «Ибни Сино»-и шаҳри Душанбе бар асари аз кор мондани гурдаҳояш дар 84 солагӣ даргузашт[2].

Эзоҳ вироиш

  1. 1.0 1.1 Пирӯзии се аспи Дости Бурут ва $250 000 барои “Эхолог” » Озодагон(тоҷ.). www.ozodagon.tj. 25 июни 2018 санҷида шуд. Баргирифта аз сарчашмаи аввал 28 июни 2018.
  2. 2.0 2.1 Мирзо Салимпур. ДАРГУЗАШТИ ДОСТИ БУРУТ. akhbor.com. Ахбор (25 июни 2018). 25 июни 2018 санҷида шуд.(пайванди дастнорас)
  3. Т. Соҳибназаров. Ҷаҳони хурамӣ(тоҷ.). nabzifayzobod.tj. НАБЗИ ФАЙЗОБОД (20 сентябри 2016). 25 июни 2018 санҷида шуд.