Зардуштиён — пайравони Дини Зардуштӣ ё Дини Маздоия ("Маздаясна" порсӣ: مزدیسنا ), дини халқҳои қадимаи Эронзамин, ки бо номи асосгузораш Зардушт маъмул аст. Дар асрҳои VII-VI пеш аз мелод ба миён омадааст ва дар байни аҳолии кишварҳои қадимаи Осиёи Миёна, Эрон, Шарқи Наздик интишор ёфтааст. Таълимоти дини Зардуштия ("Маздоия") дар китоби "Авесто" сабт шудааст.[1]

Рамзи зардуштия

Зардуштия дини догматикӣ бо илми илоҳиёти мутараққӣ мебошад. Зардуштиёни замони ҳозира нуҳ мабдаи дин доранд.

Зардуштиён бар хилофи мусалмонҳову масеҳиён дар заминаи динпароканӣ фаъол нестанд. Ин ба он далел аст, ки зардуштиён равони ҳамаи пайравони динҳои дигарро барбодрафта ё наҷотхоҳ намедонанд. Онҳо бар ин боваранд, ки равони одамон пас аз маргашон на бар мабнои таъаллуқи динию мазҳабӣ, балки бар асоси андеша, гуфтор ва кирдорашон доварӣ мешавад. Бад-ин гуна, бино ба бовари зардуштиён, бовармандони динҳои дигар ҳам метавонанд зиндагии порсоёна дошта бошанду пас аз марг ба подафроҳ нарасанд (ҷазо набинанд).[2]

Демография аз рӯи кишвар вироиш

 
Паҳншавии дини Зардуштия дар замони муосир

Рақамҳои дар поён овардашуда дар асоси пажӯҳиши Федератсияи Ассотсиатсияҳои зардуштиёни Амрикои Шимолӣ ва инчунин тадқиқоти этнографӣ оид ба порсишиносӣ ва дигар ҷамоаҳои қамиву-динии Зардуштия асос ёфтаанд.

Кишвар Шумораи имондорон [3]
  Ҳиндустон 61.000
  Эрон 25.271
 ИМА 14.405
  Канада 10.000
Осиёи Марказӣ 10.000
 Инглистон 5.500 [4]
 Сингапур 4.500
  Покистон 4.235 [5]
 Австралия 2.577
 Афғонистон 2.000
  Кишварҳои арабии халиҷи Форс 1. 900
 Зеландияи Нав 1.232
Аврупо 1.000
Ҷамъ Тақрибан 200,000

Адабиёт вироиш


Эзоҳ вироиш

  1. Авеста
  2. Мероси хаттии бостон. Ҷ.I ва II. - Душанбе,2016, - 565с.
  3. Zoroastrians Keep the Faith, and Keep Dwindling - NYTimes.com(пайванди дастнорас — таърих). 18 феврали 2013 санҷида шуд. Баргирифта аз сарчашмаи аввал 14 ноябри 2018.
  4. Census 2011: how many Jedi Knights are there in England & Wales? | UK news | guardian.co.uk(пайванди дастнорас — таърих). 17 феврали 2013 санҷида шуд. Баргирифта аз сарчашмаи аввал 17 марти 2013.
  5. Over 35,000 Buddhists, Baha'is call Pakistan home. The Express Tribune (September 2, 2012). 24 марти 2020 санҷида шуд.