Сурайё Қосимова

сарояндаи тоҷик

Сурайё Қосимова (тав. 22 апрели соли 1957 дар шаҳри Кӯлоб, вилояти Кӯлоб, ҶШС Тоҷикистон) — сароянда, Ҳунарпешаи хизматнишондодаи ҶШС Тоҷикистон (1980). Ҳунарпешаи халқии Тоҷикистон (2007).

Сурайё Қосимова
Ном ба ҳангоми таваллуд Раҳима
Таърихи таваллуд 22 апрел 1957(1957-04-22) (63 сол)
Зодгоҳ Кӯлоб, вилояти Кӯлоб, ҶШС Тоҷикистон, ИҶШС
Кишвар  Тоҷикистон
Пеша(ҳо) сароянда

ЗиндагиномаВироиш

Сурайё Қосимова 22 апрели соли 1957 дар шаҳри Кӯлоб ба дунё омадааст. Модари 4-фарзанд: Рӯзимоҳ, Шабнами Сурайё, Фарзонаи Хуршед ва Эмомалии Хуршед мебошад. Шавҳараш шодравон Хуршед Рабиев буданд. Сурайё дар оилаашон ягона шахсе нест, ки ба рақсу суруд дил бохтааст, апааш раққоса, ҳунарпешаи шоистаи Тоҷикистон, Садбарг Қосимова низ ба фарҳанг майл доранд.[1][2] Ӯ соли 1970 мактаби миёнаро хатм намуда, то ҳол дар Театри драмаи мусиқии шаҳри Кӯлоб ба номи С. Вализода кору фаъолият дорад.

ЭҷодиётВироиш

Сурайё Қосимова бештар сурудҳои халқӣ, бадеҳа, сурудҳои тӯёна месарояд. Ӯ бо сурудҳои «Ба ман ояд» (шеъри Рӯдакӣ, оҳанги А. Одинаев), «Бахтномаи мо» (шеъри М. Ҳайдаршо, оҳанги М. Миров), «Ватан» (шеъри Ҳ. Ғоиб, оҳанги Д. Холов), «Медонам» (шеъри М. Ҳакимова, оҳанги Ҷ. Обидпур), «Дидори ёр» (шеъри Ҳофиз, оҳанги Т. Юнусов) ва ғ. дар байни халқ машҳур гаштааст. Қ. дар як қатор намоишномаҳо низ нақш бозидааст: модар («Карим девона»-и Т. Аҳмадхонов), Марям («Мукофот»-и Н. Енисенку), Ҳумайро («Хусрав ва Ширин»-и М. Турсунзода ва А. Деҳотӣ), Гиатсинта («Найрангҳои Скапен»-и Ж. Молер), Сокина («Моҷарои имтиҳон»-и А. Атобоев) ва ғ. Лауреати озмуни ҷумҳуриявии ҳофизон (1979). Ба як қатор кишварҳои хориҷ – Афғонистон, Эрон, Яман, Покистон, Муғулистон ва ғ. сафари ҳунарӣ кардааст.[3]

Ҳаёти шахсӣВироиш

Сурайё Қосимова аз издивоҷи аввалаш Шабнам (14.10.1981) ва Рӯзимоҳро таваллуд намудааст. Шабнам низ овозхон ва Рӯзимоҳ соҳибхоназан мебошад.

Издивоҷи дуввумаш бо коркуни ҳифзи ҳуқуқ Хуршед Рабиев буд, ки аз ҳам ҷудо шуданд ва онҳо соҳиби як духтар Фарзона (11.07.1989) ва як писар Эмомалиҷон мебошанд. Фарзона низ сароянда мебошад. Эмомалиҷон (2001), номаш бо шарофати номи президенти кишвар Эмомалӣ Раҳмон гузошта шудааст, ки писар дар синни 16-солагӣ 18 апрели 2017 аз бемории саратон вафот кард[4].

Соли 2010 духтари ӯ Фарзона ба дӯстписари худ кумак кард, ки аз толори додгоҳ фирор кунад. Суди минтақавии ноҳияи Сино овозхони ҷавонро барои кумак ба фирорӣ ба 2 соли зиндон маҳкум кард[5], Сурайё аз ҳукми додгоҳ норозигӣ баён намуда, гуфт беинсофона қарор бароварданд. Пас аз якуним сол духтараш озод шуд[6].

Моҳи марти соли 2016 овозхон дар беморхона бистарӣ шуд, табибон вазъи сарояндаро боиси нигаронӣ нахонданд[7]. Сароянда пас аз як қатор ҳодисаҳои фоҷиабор дучори мушкилот бо асабҳо шуд, ки инҳо ба ҷигар ва меъда мушкилӣ пеш оварданд. Вақте Сурайёро ҷавоб доданд, духтарони овозхон тасмим гирифтанд, ки табобатро дар хориҷи кишвар идома диҳанд ва Қосимоваро барои табобат ба Ҳиндустон бурданд.

Моҳи сентябри соли 2020 наворе дар шабакаҳои иҷтимоӣ пайдо шуд, ки маросими тӯи Сурайё Қосимова, мебошад. Баъдан маълум шуд, ки Сурайё бо Пӯлод Шарипов, марди 45-сола, ки аз худаш 17 сол хурд аст, ба шавҳар баромад. Шавҳараш соҳибкор ва варзишгар мебошад, ки қаблан консертҳои Сурайёро таблиғ менамудааст[8].

СурудҳоВироиш

  • Майда — майда
  • Оҳуи маст
  • Тоҷикистон
  • Тоҷикам
  • Чакидан гирад

Ҳунарнамоӣ дар филмҳоВироиш

  • Дар филми ҳунарии «Бедил» нақшофарӣ кардааст.

Нигаред низВироиш

ЭзоҳВироиш

  1. surayo_qosimova_ru
  2. shabnami-surae
  3. Обидпур Ҷ. Луғатномаи тафсирии мусиқӣ / зери назари Б.Қобилова. – Душанбе: Аржанг, 2019. – С. 201-202 – 480 с. ISBN 978-999-47-43-90-2 (тоҷ.)
  4. Ҷасади писари Сурайёи Қосим дар Кӯлоб ба хок супурда шуд. ВИДЕО, АКС(тоҷ.). Радиои Озодӣ. 18 апрели 2017 санҷида шуд.
  5. Фарзонаи Хуршед ду сол ҳукм гирифт(тоҷ.). Радиои озодӣ. 23 феврали 2010 санҷида шуд.
  6. Фарзонаи Хуршед вышла на свободу(рус.). asiaplustj.info. 23 августи 2013 санҷида шуд.
  7. Сурайё: Ҷои нигаронӣ нест, базудӣ аз бемористон ҷавоб медиҳанд(тоҷ.). Радиои озодӣ. 31 май 2016 санҷида шуд.
  8. Росту дурӯғ, атрофи Шарипов, шавҳари нави Сурайё:овозаи фарқи сол дуруст нест-аксу видео(тоҷ.). Sputnik-tj.com. 25 сентябри 2020 санҷида шуд.