Ханда Доғандамир
Ханда Доғандамир (тур. Hande Doğandemir, тав. 22 ноябри 1985; Анқара, Туркия) — ҳунарпеша, ровии телевизион ва ҷомеашиноси турк.
| тур. Hande Doğandemir | |
| | |
| Ном ба ҳангоми таваллуд: | Ханда Доғандамир |
| Таърихи таваллуд: | 22 ноябр 1985 (38 сол) |
| Зодгоҳ: | Анқара, Туркия |
| Шаҳрвандӣ: |
 Туркия |
| Касб: |
ҳунарпеша ровии ТВ ҷомеашинос |
| Корнома: | 2009-то ҳол |
| Самт: | синамо, телевизион |
| IMDb: | ID 5561251 |
Зиндагинома
вироишҲунарпеша Ханда Доғандамир 22 ноябри соли 1985 дар пойтахти Туркия Анқара таваллуд шудааст. Фарзанди ягонаи оила, духтарак зирак, вале шармгин ба воя расидааст. Вай аз хурдӣ ба рақс ва мусиқӣ шавқ дошт. Падару модари Ханда ба санъати эҷодӣ ҳеч иртибот надоштанд. Модар собиқ корманди як муассисаи давлатӣ, падар корманди бонк мебошанд. Онҳо мехостанд, ки ба духтарашон маълумоти хуб диҳанд. Дар мактаб ва сипас дар литсей Ханда фаронсавиро бо завқ омӯхт. Пас аз хатми литсей, духтар ба Донишгоҳи Анқара ҳуҷҷатҳояшро супорида, ба факултаи ҷомеашиносӣ ва коммуникатсия дохил шуд.
Соли 2009 вай таҳсилро бомуваффақият хатм карда, аз Анқара ба Истанбул кӯчид. Дар Истанбул Ханда Доғандамир ба курси актёрии Академияи санъат дохил шуд ("Akademi 35 Buçuk Sanat"). Ҳангоми таҳсил ҳунарпешаи ояндаро кормандони агентии «Nimet Atasoy Management» мушоҳида карда ба ҳамкорӣ даъват карданд. Ханда дар якчанд таблиғот баромад кардааст[1][2].
Фаъолият
вироишСоли 2011 Ханда барои баргузории барномаи "Шумо дар ёд доред", ки дар телевизиони Туркия пахш шуд, даъват шуд. Духтарак 2 сол дар онҷо кор кардааст. Ҳамзамон ӯ дар 20 қисми силсилафилми "Лайлӣ ва Маҷнун" нақш офаридааст. Зебоии ӯ пас аз ба навор гирифтани як таблиғи рекламавии Le Eti browni мушоҳида шуд. Бо шарофати таблиғ, ӯ ба ҳунарпешаи серталаб табдил ёфт, ки ба филмҳо ва силсилафилмҳо даъват карда мешавад. Шӯҳрат пас аз наворгирии силсилафилми «Güneşi Beklerken» ба Ханда Доғандамир омад. Ҳунарпеша ва модели машҳур Карам Бурсин шарики лоиҳа гардид. Наворбардорӣ аз соли 2013 то 2014 идома ёфт.
Ханде даъвати истеҳсолкунандагонро барои иҷрои нақши Турхон Султон дар силсилафилми «Асри муҳташам. Кёсем» бо хушнудӣ пазируфт, ки нахустнамоишаш соли 2016 сурат гирифт. Ӯ дар Туркия ва дар 50 кишвари дигар, ки дар он ҷо ин силсилафилм намоиш дода шуд, шуҳрати васеъ овард, аз он ҷумла дар Тоҷикистон.
Филм муқовимати ду зани қавӣ - Турҳон Султон ва Валида Султон Кёсемро нишон медиҳад. Дар тӯли тамоми силсилафилм дар экран бисёр аломатҳои таърихи Туркия пайдо мешаванд - ҳамсарон ва фарзандони сулолаи ҳукмрон, аз ҷумла: Лиша Султон, Атиқа Султон, Зарифа Хотун ва дигарон. Соли 2016 Ханда Доғандамир дар филми "Her Şey Aşktan" нақш бозидааст. Дар нақши асосӣ, тамошобинон Шукру Озӣилдизро низ диданд. Қаҳрамони ӯ як зани ҷавонро, ки азизаш фирефта шудааст, тасвир мекунад.
Баҳори соли 2017 филми "Kaybedenler Kulübü Yolda" ба намоиш баромад, ки дар он Ханда яке аз нақшҳоро бозидааст. Моҳи сентябри соли 2018 дар канали ATV силсилафилми телевизионии "Can Kırıkları" ба намоиш даромад. Ханда дар либоси афсари полис зан бо номи Лайло зоҳир шуд. Шарики Лайло Аслонро Сечкин Оздамир бозидааст.
Соли 2020 дар силсилафилми "Kırmızı Oda" нақши дуюмдараҷаро бозидааст.
Ҳаёти шахсӣ
вироишВай бо ҳунарпеша Окан Ялабик муносибати дарозмуддат дошт. Соли 2015, ҷуфт ҷудо шуд. Дере нагузашта, расонаҳои Туркия робитаи ӯро бо Энгин Озтурк эълон карданд ва аксҳои онҳоро пешниҳод карданд. Солҳои 2016-2018 вай бо Март Фират робита намудааст.
Ханда пас аз Март бо футболбоз, ҳамлагари клуби Туркия "Трабзонспор" ва тими миллии Туркия Бурак Йилмаз робитаро шурӯъ намуд.
Филмнома
вироишФилм
вироиш| Сол | Номгӯй | Нақш | Шарҳҳо |
|---|---|---|---|
| 2015 | Bana Masal Anlatma | Айпарӣ | |
| 2016 | Her Şey Aşktan | Пелин | |
| 2017 | Kaybedenler Kulübü Yolda | Савдо | |
| 2019 | Nuh Tepesi | Алиф |
Силсилафилм
вироиш| Сол | Номгӯй | Нақш | Шарҳҳо |
|---|---|---|---|
| 2010 | Kahramanlar | Зайнаб Кайҳан | |
| 2010 | Keskin Bıçak | Аслӣ Кариаағач | |
| 2011–12 | Sen de Gitme | Аслӣ | |
| 2011–13 | Hatırlar Mısınız? | Худаш | Ровии телевизион |
| 2012 | İbreti Alem | Ирек Шеносак | |
| 2012 | Böyle Bitmesin | Ҷейлон Оғолӣ | Нақши меҳмонӣ |
| 2013 | Leyla ile Mecnun | Шанс | Нақши дуюмдараҷа |
| 2013 | Şubat | Элем | Нақши дуюмдараҷа |
| 2013 | Güneşi Beklerken | Зайнаб Йилдиз | Нақши асосӣ |
| 2015 | Racon: Ailem İçin | Яғмур | Нақши асосӣ |
| 2016 | Hayatımın Aşkı | Гокча | Нақши асосӣ |
| 2017 | Muhteşem Yüzyıl: Kösem | Турхон Султон | Нақши асосӣ |
| 2018 | Can Kırıkları | Лайло Акгун Доған | Нақши асосӣ |
| 2019 | Yüzleşme | Масал - Букет | |
| 2020 | Kırmızı Oda | Иҷрои махсус | |
| 2021 | Hükümsüz | Филиз |
Ҷоизаҳо
вироиш| Сол | Ҷоиза | Гурӯҳ | Кор | Натиҷа |
|---|---|---|---|---|
| 2013 | 3.Ege University Media Awards | Беҳтарин ҳунарпеша | Güneşi Beklerken-Зайнаб | Баранда |
| 2013 | 3.Kristal Fare Media Awards | Беҳтарин ҳунарпеша | Güneşi Beklerken-Зайнаб | Номзад |
| 2013 | 5.Ayaklı Gazete TV Awards | Беҳтарин ҳунарпеша | Güneşi Beklerken-Зайнаб | Баранда |
Нигаред низ
вироишЭзоҳ
вироиш- ↑ Dört fenomen dizi aynı sette buluşursa. Radikal.com.tr. 8 ноябри 2017 санҷида шуд.
- ↑ Erdal Bakkal 'İyi Biri' oldu!. Radikal.com.tr. 8 ноябри 2017 санҷида шуд.
Пайвандҳо
вироиш- Ханда Доғандамир(англ.) дар вебгоҳи Internet Movie Database
- Ханда Доғандамир дар вебгоҳи Instagram