Қоҳир Расулзода

сарвазири Тоҷикистон

Қоҳир Расулзода (Абдуқоҳир Абдурасулович Назиров (то майи соли 2007)[1]; тав. 8 марти 1961, ноҳияи Ғафуров, вилояти Суғд, ҶШС Тоҷикистон, ИҶШС) — ходими сиёсӣ ва давлатии Тоҷикистон, 8-умин Cарвазири Ҷумҳурии Тоҷикистон. Корманди шоистаи Тоҷикистон.

Қоҳир Расулзода
парчам
8-умин Сарвазири Тоҷикистон
аз 23 ноябри 2013
Пешгузашта Оқил Оқилов
27 феврали 2007 — 23 ноябри 2013
(и.в. аз 2 декабри соли 2006)
Таваллуд 8 март 1961(1961-03-08) (63 сол)
Фарзандон 3
Ҳизб
Таҳсилот
Касб Муҳандис-сохтмончӣ
Эътиқод Ислом
Ҷоизаҳо Корманди шоистаи Тоҷикистон, Дорандаи ордени «Зарринтоҷ» дараҷаи II, медали ҷашнии «20-солагии Истиқлоли давлатии Ҷумҳурии Тоҷикистон», мукофоти давлатии Ҷумҳурии Ӯзбекистон – ордени «Фидокорона хизматлари учун» (Барои меҳнати фидокорона).
 Парвандаҳо дар Викианбор

Зиндагинома вироиш

Қоҳир Расулзода 8 марти соли 1961 дар ноҳияи Бобоҷон Ғафуров ҷамоати Хистеварз таваллуд шудааст. Маълумот - олӣ. Соли 1982 Институти кишоварзии Тоҷикистонро (ҳоло Донишгоҳи аграрии Тоҷикистон) бо ихтисоси «муҳандис-гидротехник» хатм намудааст.

Фаъолияти меҳнатӣ вироиш

Фаъолияти меҳнатиро ба сифати техник–санҷишгари санҷишгоҳи сохтмонии иттиҳодияи «Тоҷикирсовхозстрой» дар соли 1982 дар ноҳияи Бобоҷон Ғафуров оғоз намудааст. Баъдан дар вазифаҳои муҳандиси шуъбаи истеҳсолӣ, сармуҳандис, сардори КСМ-4, сардори иттиҳодияи «Тоҷикирсовхозстрой» (шаҳри Хуҷанд) фаъолият доштааст.

Аз январи соли 2000 то декабри соли 2006 Вазири мелиоратсия ва хоҷагии оби Ҷумҳурии Тоҷикистон буд.

Аз 27 феврали соли 2007 то 2013 – Раиси вилояти Суғд.

Бо фармони Президенти Ҷумҳурии Тоҷикистон аз 23 ноябри соли 2013 сарвазири Ҷумҳурии Тоҷикистон таъйин шудааст.

Бо Фармони Президенти Ҷумҳурии Тоҷикистон аз 3 ноябри соли 2020 бинобар таъсиси Ҳукумати нав Сарвазири Ҷумҳурии Тоҷикистон таъин гардид.[2]

Оиладор, соҳиби се фарзанд мебошад.

Мукофот ва ҷоизаҳо вироиш

  • унвони «Корманди шоистаи Тоҷикистон»,
  • ордени Зарринтоҷ дараҷаи II,
  • медали ҷашнии «20-солагии Истиқлоли давлатии Ҷумҳурии Тоҷикистон»,
  • мукофоти давлатии Ҷумҳурии Ӯзбекистон – ордени «Фидокорона хизматлари учун» (Барои меҳнати фидокорона).[2]

Нигаред низ вироиш

Эзоҳ вироиш