Абдулқодири Ҳофиз

Абдулқоди́ри Ҳофи́з, машҳур ба Қодирӣ (1858, Истаравшан — 1943, ҳамон ҷо) — мусиқидон, сароянда ва оҳангсози тоҷик, намояндаи машҳури ҳавзаи Истаравшан.

Абдулқодири Ҳофиз
Таърихи таваллуд	1858(1858)
Зодгоҳ	Истаравшан
Таърихи даргузашт	1943(1943)
Маҳалли даргузашт	Истаравшан
Пеша(ҳо)	сароянда, оҳангсоз, мусиқидон
Сабк	шашмақом
Номи мустаъор	Қодирӣ
Ҳамкорӣ	Қорӣ Каромати Дилкаши Танбӯрӣ, Бобо Ҷалол, Бобо Ғиёс, Ҳоҷӣ Абдулазиз, Содирхон

Зиндагинома

Аз овони ҷавонӣ ба шеъру мусиқӣ ворид шуда, маҳорати сарояндагию навозандагиашро дар шаҳрҳои Самарқанд, Бухоро, Хуҷанд такмил дод. Асосгузори сулолаи мутрибони ҳирфаии Қодириён. Абдулқодир дар навохтану сурудани шохаҳои созию овозии «Шашмақом» («мушкилот», «наср», «савт», «гардун», «талқин») маҳорати баланд дошт. Барои такмили дониши назариявӣ ва амалӣ бо Қорӣ Каромати Дилкаши Танбӯрӣ (1851—1906), Бобо Ҷалол (1845—1982), Бобо Ғиёс (1859—1927), Ҳоҷӣ Абдулазиз (1852—1936), Содирхон (1847—1931) ҳамкории эҷодӣ кардааст. Абдулқодир дар ҳавзаи Истаравшан анъанаи баёзнигории «Шашмақом»-ро идома дода, ба тадвини «Баёзи Абдуқодир» комёб шудааст. Анъанаи сарояндагию мутрибии Абдулқодирро писараш Абдурасули Ҳофиз (1919 — 89) ва набераҳояш Камол ва Ҷамол Қодирӣ идома додаанд.

Адабиёт

• Абдулқодири Ҳофиз // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.

• Таджикская музыка, Д., 2003;
• Ҳакимов Н., Шашмақом дар қарни XX, Х., 2006;
• Донишномаи Шашмақом, Д., 2009.