Амон Ҳамдамов

Амон Ҳамдамов - композитор ва дирижёр, омӯзгор, Ходими хидматнишондодаи санъати Тоҷикистон (1968), Ҳунарпешаи халқии Тоҷикистон (1978), узви Иттифоқи композиторони Тоҷикистон (аз с.1958).

Амон Ҳамдамов
Амон Султонович Ҳамдамов
Таърихи таваллуд	5 май 1918(1918-05-05)
Зодгоҳ	Самарқанд
Таърихи даргузашт	15 декабр 2003(2003-12-15) (85 сол)
Маҳалли даргузашт	Душанбе
Пеша(ҳо)	композитор, дирижёр, омӯзгор
Ҷоизаҳо

Зиндагинома

Амон Султонович Ҳамдамов 5 майи соли 1918 дар гузари Чорраҳаи Самарқанд ба дунё омадааст. Иштирокчмм ҶБВ-ии с.1941-1945. Мактаби мусиқи (1940), Омӯзишгоҳи мусиқии ш.Сталинобод (ҳоло – Душанбе, 1952), Консерватория давлатии ба номи П.И.Чайковский (Москва, 1958)-ро хатм кардааст. Аз 15-солагӣ ғижжакнавози дастаи ҳунарии Театри яҳудиёни ш.Самарқанд (1933-1935), мутриби Театри драмаи мусиқии Тоҷикистон ба номи А.Лоҳутӣ (1935-1938), консертмейстери оркестри созҳои халқии Тоҷикистон (1938-1941). Пас аз анҷоми ҶБВ дирижёри Оркестри созҳои халқӣ (1947-1952; 1958), муаллими Омӯзишгоҳи мусиқии ш.Душанбе(1959-1961; 1970-1981), сардирижёри Оркестри созҳои халқии КДТР (1962-1979), дотсенти Донишкадаи давлатии санъати Тоҷикистон ба номи М. Турсунзода (1979-1999). Иштирокчии се Даҳаи адабиёт ва санъати тоҷик дар Москва (1941, 1949, 1957), ҷонишини раиси Иттифоқи оҳангсозони Тоҷикистон (1968-1981).

Эҷодиёт

Муаллифи қариб 150 асари мухталиф: сурудҳои

• “Комсомол” (шеъри Абдуҷаббор Қаҳҳорӣ, 1949),
• “Дӯстдорат гаштам”, (шеъри Носирҷон Маъсумӣ, 1950),
• Сюитаи “Насими Вахш”,
• “Шоёни ҳаёт” (шеъри Файзулло Ансорӣ, 1950; 1951) ва ғ.

Барои чандин спектакли ТДАДТ ба номи А.Лоҳутӣ оҳанг офаридааст:

• “Бой ва хидматгор”-и Ҳамза Ҳакимзода (1957),
• “Иродаи зан”-и Аъзам Сидқӣ (1963),
• “Сарбозони инқилоб”-и Ғанӣ Абдулло (1975),
• “Шабҳои фироқ”-и Аминҷон Шукуҳӣ (1963),
• “Мубориза”-и А.Усмонов (1973),
• “Зол ва Рудоба”-и Шамсӣ Қиёмов ва Шералӣ Мастон (1977),
• “Фоҷиаи инсон”-и Абдусалом Атобоев (1984).

Мукофот ва ҷоизаҳо

• ду ордени “Нишони Фахрӣ”,
• Бо медал ва Ифтихорномаи Фахрии Президиуми Совети Олии Тоҷикистон мукофотонида шудааст.