Абунасри Қубовӣ
Абунаср Аҳмад ибни Насри Қубовӣ (форсӣ: ابو نصر قباوى; соли таваллуд ва вафот номаълум) — адиб, тарҷумон ва таърихнигори форс-тоҷик (асри 12).
| форсӣ: ابو نصر قباوى | |
| Зодгоҳ: | |
| Навъи фаъолият: | муаррих |
| Забони осор: | форсӣ |
Зиндагинома вироиш
Дар баъзе манобеъ ва асарҳои таҳқиқӣ нисбаи ин шахс Бухороӣ омадааст. Аз корҳои ба анҷом расонидаи Абунасри Қубовӣ тарҷумаи «Таърихи Бухоро»-и Наршахӣ мебошад. Наршахӣ ин асарро барои ҳукмрони сулолаи Сомониён Нӯҳ ибни Насри Сомонӣ навишта буд. Абунасри Қубовӣ дар тарҷумааш «Таърихи Бухоро»-ро андаке ихтисор кардааст, вале дар баробари ин ба он таърихи сулолаи Қарахониён ва баъзе воқеоти таърихии то солҳои 1128—1129 дар Осиёи Миёна рӯйдодаро илова намудааст. Нусхаҳои «Таърихи Бухоро»-и тарҷумакардаи Абунасри Қубовӣ дар Шуъбаи дастнависҳои Китобхонаи миллии ба номи Фирдавсӣ, Ганҷинаи дастнависҳои Институти забон, адабиёт, шарқшиносӣ ва мероси хаттии АИ Ҷумҳурии Тоҷикистон, инчунин дар китобхонаҳои Тошканд, Маскав, Санкт-Петербург маҳфузанд.
Эзоҳ вироиш
Адабиёт вироиш
- Абунасри Қубовӣ // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.