Мастура Авезова

Авезова Мастура (Би Мастури Авезова; 1905, деҳаи Унҷӣ, уезди Хуҷанд — 24 марти 1978, ҳамон ҷо) — ходими давлатӣ, яке аз аввалин занҳои муборизи роҳи навини зиндагӣ.

Би Мастури (Мастура) Авезова
Раиси Комитети иҷроияи вилояти Ленинобод 1938 — 1939
Раиси Комиҷроияи шаҳри Хуҷанд аз 1939
Таваллуд	1905 деҳаи Унҷӣ, уезди Хуҷанд
Даргузашт	24 март 1978(1978-03-24) деҳаи Унҷӣ, уезди Хуҷанд
Ҳизб	Ҳизби Комунистии Иттиҳоди Шӯравӣ
Ҷоизаҳо

Зиндагинома

Авезова Мастура соли (1905 дар деҳаи Унҷии уезди Хуҷанд дар оилаи деҳқон ба дунё омадааст. Авезова аз зумраи нахустзанҳоест, ки фаранҷиро партофта, дар кори ҷамъиятиву ис­теҳсолии ҷумҳурии ҷавони Тоҷикистон фаъолона иштирок кардааст.

Фаъолияти касбӣ

Баъди хатми Омӯзишгоҳи касбӣ-техникии Хуҷанд (1929) фаъолияти кориашро дар фабрикаи шоҳибофии Фарғона оғоз кард. Аз соли 1930 дар Комбинати шоҳибофии Хуҷанд кор кардааст. Минбаъд аввали раиси Комитети иҷроияи вилояти Ленинобод (1936) ва баъдтар раиси Комиҷроияи шаҳри Хуҷанд буд.

Аз соли 1960 нафақагир. Авезова узви КМ ПК Тоҷикистон, чандин даъват вакили Совети Олии Иттифоқи Советӣ ва ҶШС Тоҷикистон интихоб шудааст.

Ҷоизаву медалҳо

Бо 2 ордени Байрақи Сурхи Меҳнат, ордени Ҷанги Бузурги Ватанӣ (дараҷаи II), 5 ордени «Нишони Фахрӣ» ва медалҳо сарфароз гардидааст.

Сарчашма

• А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2021, ҷ. 1). — ISBN 978-99947-33-45-3.