Ҳаммоса Кӯҳистонӣ

Ҳаммоса
Ҳаммоса
	Ҳаммоса Кӯҳистонӣ
Ном ба ҳангоми таваллуд:	ﺣﻤﺎﺳﻪ ﮐﻮﻫﺴﺘﺎﻧﯽ
Таърихи таваллуд:	19 декабр 1987 (36 сол)
Зодгоҳ:	Тошканд, ҶШС Ӯзбекистон, ИҶШС
Шаҳрвандӣ:	England
Касб:	мудел, ширкаткунандаи ҷашнвораи маликаи зебоӣ
Корнома:	2005 то ҳол
Ҷоизаҳо:	"Бонуи Ингилистон" 2005 "Бонуи дунё" 2005
	Парвандаҳо дар Викианбор

Ҳаммоса Кӯҳистонӣ (англ. Hammasa Kohistani, форсӣ: ‎ﺣﻤﺎﺳﻪ ﮐﻮﻫﺴﺘﺎﻧﯽ) 19 декабри соли 1987 дар шаҳри Тошканд, ҶШС Ӯзбекистон, ИҶШС) — фотомодели бритониёӣ, ғолиби озмуни «Маликаи зебоии Ингилистон» дар соли 2005. Аз табори тоҷикони Афғонистон. Аввалин мусулмондухтарест, ки дар озмуни зебогии Ингилистон ғолиб омадааст ва ин боиси инъикоскунандаи ҷамъиятӣ-сиёсӣ гардида буд.

Зиндагинома

Ҳаммоса Кӯҳистонӣ 19 декабри соли 1987 дар шаҳри Тошканд, дар оилаи тоҷикони муқимӣ ба дунё омадааст. Волидонаш Хушҳол ва Лайло аз Афғонистон гурехта, дар ҶШС Ӯзбекистон зиндагӣ мекарданд. Баъдан онҳо ба ватанашон, ба Кобул баргаштанд. Аммо ҳукмронии толибон дар Афғонистон, соли 1996 боиси мушакпарониҳо гардид, ки Ҳаммоса он солҳо 10 сола буд. Баъд аз ҳукмронии толибон дар Афғонистон оилаи онҳо маҷбур шуд, ки боз ватанашонро тарк намоянд. Аввал онҳо ба Ӯзбекистон, баъд ба Укроин, сипас ба Дубай ва охиран ба Бритониё кӯч бастанд. Дар Бритониё падари Ҳаммоса корхонаи фурӯш ва бурда расонидани хӯрокро кушод, модараш тарҷумон шуда корро оғоз карданд. Ҳаммоса хамеша орзуи фотомодел шуданро мекард. Ҳоло вай шаҳрванди Бритониё буда дар агентии Asian fashion house фаолият мекунад. Қади Ҳаммоса 173 см буда сиёҳмӯй ва чашмонсиёҳ аст. Вай дар мактаби Лэмптон, дар Лондон таҳсил мекунад.

Фаолият

Моҳи сентябри соли 2005 дар шаҳри Ливерпул озмуни навбатии зебогии «Бонуи Ингилистон» (англ. Miss England) баргузор гардид, ки дар он 40 нафар духтарон иштирок намуданд. Дар натиҷаи озмуни дуруза Ҳаммоса Кӯҳистонӣ ғолиб дониста шуд ва 3 сентябри соли 2005 вай дар саҳнаи театри Liverpool Olympia соҳиби тоҷи ин озмун гардид. Ҳангоми ҷоизасупорӣ вай либоси абрешими, ки модараш дӯхта буд ба тан кард. Чун ғолиби озмуни миллии Бритониё, Ҳаммоса ҳуқуқи иштирок дар «Бонуи дунё»-ро ба даст овард. Ҳаммоса Кӯҳистонӣ аввалин мусулмондухтарест, ки ҷоизаи озмуни зебогии «Бонуи Инглистон»-ро ба даст овард. Он вақт матбуот дарҷ кард, ки дар баробари Ҳаммоса Кӯҳистонӣ, чунин ҷоизаро боз ба як мусулмондухтаре бо номи Sarah Mendley, ки Бонуи шаҳри Ноттингем дониста шуда буд, супоридаанд.

Таззодҳои пайваста ба ин руйдод, дар санаи 7 июли соли 2005, ду моҳ пеш аз ин, ҳамлаҳои терорчиён дар Лондон рух дода буданд.

Ҳаммоса дар озмуни «Бонуи дунё» соли 2005 дар шаҳри Саня, дар Чин ширкат намуда, яке аз беҳтаринҳо ба ҳисоб мерафт, аммо вай дар финал иштирок накард.

Ҳаммоса Кӯҳистонӣ бо шаш забон: дарӣ, форсӣ, русӣ, англисӣ, тоҷикӣ ва ӯзбекӣ сухан мегӯяд.

Маҷаллаи амрикои оид ба муд "Teen Vogue" дар муқоваи худ, дар нашри моҳи майи соли 2006, мақола оид ба Ҳаммоса Кӯҳистонӣ ва расмашро чоп карда буд.

Расми Ҳаммоса Кӯҳистониро шабакаи Getty Images ҳамчун симои Tali'Zorah дар Mass Effect series of video games истифода бурдаанд.

Нигаред

Тоҷикон
Тоҷикони Бритониё

Пайвандҳо

[1]
[2]