Турсун Ӯлҷабоев

Турсун Ӯлҷабоев — 1 майи соли 1916 дар деҳаи Қуруқи ноҳияи Хуҷанд — 31 майи соли 1988), ходими ҳизбӣ ва давлатӣ, Котиби якӯми Ҳизби коммунистии ҶШС Тоҷикистон байни 24 майи, соли 1956 ва 12 апрели, соли 1961 буд.

Турсун Ӯлҷабоев
Ӯлҷабоев Турсун Ӯлҷабоевич
7-ум Котиби якуми КМ Ҳизби Коммунистии Тоҷикистон 24 майи 1956 — 12 апрели 1961
Пешгузашта	Бобоҷон Ғафуров
Ҷонишин	Ҷаббор Расулов
4-ум Раиси Шӯрои Вазирони ҶШС Тоҷикистон 26 марти 1955 — 25 майи 1956
Пешгузашта	Ҷаббор Расулов
Ҷонишин	Назаршо Додхудоев
Котиби якуми Ленинабадского обкома КП(б) - КП Таджикистана 1952 — январь 1954
Пешгузашта	Усмон Раҳматзода
Ҷонишин	Мирзоқосим Рустамов
Первый секретарь Кулябского обкома КП(б) - КП Таджикистана 1952 — 1952
Пешгузашта	Н. И. Козлов
Ҷонишин	А. Сафаров
Таваллуд	18 апрел (1 май) 1916(1916-05-01) кишлак Курск, Самаркандская область, Российская империя
Даргузашт	31 май 1988(1988-05-31) (72 сол) Душанбе, ҶШС Тоҷикистон, СССР
Ҳизб	КПСС
Таҳсилот	Мактаби олии ҳизбии КМ ҲКИШ[d]
Ҷоизаҳо

Зиндагинома

Турсун Улҷабоев 1 майи соли 1916 дар деҳаи Қуруқи ноҳияи Хуҷанди вилояти Суғд ба дунё омадааст. Соли 1935 техникуми омузгорӣ ва соли 1950 Мактаби олии ҳизбии назди КМ ҲКИШ дар шаҳри Москва хатм кардааст. Фаъолияти кориашро ҳамчун омӯзгори синфҳои ибтидоӣ дар ноҳияи Нов (1935—1937) саркарда, сипас ба ҳайси мудири шуъбаи пешоҳангони кумитаи комсомолии ноҳияи Нов, котиби якуми Кумитаи Марказии ИЛКҶ (комсомоли) Тоҷикистон (1941—1945), котиби якуми кумитаҳои ҳизби коммунисти вилоятҳои Сталинобод, Кӯлоб ва Ленинобод (1950—1954), котиби Кумитаи Марказии Ҳизби Коммунисти Тоҷикистон (1954—1955), Раиси Шӯрои Вазирони ҶШС Тоҷикистон, ҳамзамон Вазири корҳои хориҷии ҶШС Тоҷикистон (1955—1956), Котиби якӯми Ҳизби коммунистии ҶШС Тоҷикистон (аз майи соли 1956 то апрели соли 1961) кор кардааст. Маҳз бо ташаббусу сарварии Турсун Ӯлҷабоев соли 1960 сохтмони Нерӯгоҳи барқии обии Норак ҷомаи амал пӯшид. Дар пленуми КМ ҲКИШ (апрели соли 1961) ҳамроҳи Раиси Шӯрои Вазирони ҷумҳурӣ Н. Додхудоев дар қаллобии мунтазами ҳуҷҷатҳои ҳисоботӣ ва ҳисоботҳои бардурӯғ пешниҳод кардан дар бораи иҷроиши нақшаҳои пахтасупорӣ ба давлат гунаҳгор дониста шуд ва аз ҳамаи вазифаҳо озод ва аз ҳизби коммунистӣ хориҷ гардид. Турсун Улҷабоев баъдан сафед карда шудааст.

Фаъолияти баъдина

Солҳои минбаъда ба ҳайси директори совхози қафомондаи «Метин — туғай», ҳоло хоҷагии ба номи Турдиеви ноҳияи Мир Саид Алии Ҳамадонии вилояти Хатлон (1961—1964), директори совхози «Ғарм» — и ноҳияи Комсомолобод (1964—1973), ҷонишини директор, аз соли 1976 то соли 1986 директори совхози «24 партсъезд» — и ноҳияи Куйбишев (ҳоло ноҳияи Абдураҳмони Ҷомӣ) кор кардааст.

Турсун Улҷабоев вакили Шӯрои Олии ИҶШС, Шӯрои Олии ҶШС Тоҷикистон, узви КМ ИЛКҶ ва КМ ҲК Тоҷикистон, узви комиссияи тафтишотии ҲКИШ буд.

Дар давраи истиқлол роҳбарияти Ҷумҳурии Тоҷикистон ба хидматҳои Т. Улҷабоев дар рушди иқтисолиёти ҷумҳурӣ баҳои баланд дод. Бо фармони Президенти Ҷумҳурии Тоҷикистон Эмомалӣ Раҳмон (1997) Нерӯгоҳи барқии обии Норак ба номи Турсун Улҷабоев гузошта шуд.

Ҷоизаҳо

• ордени Ленин,
• 2 ордени Нишони Фахрӣ,
• 3 ордени Байрақи Сурхи Меҳнат,
• панҷ медал ва чор Граммотаи Фахрии Президиуми Шӯрои Олии ИҶШС мукофотонида шудааст

Нигаред низ

• Нерӯгоҳи барқии обии Норак

Пайвандҳо

• Биография
• Биография на ЦентрАзия. Ру Бойгонӣ шудааст 4 марти 2016  сол.