Гулбаҳор Шокирова
Гулбаҳор Шокирова (Шокирова Гулбаҳор Рустамовна; зод. 12 майи 1984, Ӯротеппа, вилояти Ленинобод) — овозхон ва навозандаи тоҷик, Ҳунарпешаи шоистаи Тоҷикистон (2023)[1].
 | |
| Иттилооти асосӣ | |
| Таърихи таваллуд | 12 май 1984 (39 сол) |
| Зодгоҳ | |
| Кишвар |
 Тоҷикистон |
| Пеша(ҳо) | овозхон, навозанда, омӯзгори мусиқӣ |
| Соз | дутор |
| Ҳамкорӣ | Ансамбли давлатии «Шашмақом» |
| Ҷоизаҳо | |
Зиндагинома вироиш
Гулбаҳор Шокирова 12 майи соли 1984 дар шаҳри Ӯротеппа ба дунё омадааст. Соли 2000-ум синфи рубобро дар шуъбаи созҳои халқии мактаби санъати бачагонаи шаҳри Истаравшан ба итмом расонда баъдан, солҳои 2000—2004 дар шуъбаи торию камонӣ — асбоби скрипкаи Омӯзишгоҳи ҳунари Содирхон Ҳофизи шаҳри Хуҷанд таҳсил намуда, онро бо ихтисоси ҳунарпешаи ансамбл, омӯзгори асбоби скрипка ва роҳбари ҳайати худфаъолиятӣ ба итмом расонд. Соли 2007 ба шуъбаи мутрибони анъанавии Консерваторияи миллии Тоҷикистон аз рӯи ихтисоси дуторнавозӣ дохил шуда соли 2012 онҷоро ҳамчун ҳунарпешаи ансамбл ва омӯзгор хатм кард[2].
Корнома вироиш
Гулбаҳор Шокирова фаъолияташро ба ҳайси овозхон ва думбранавози ансамбли фолклорӣ-этнографии «Фалак»-и вилояти Суғд ва овозхони ансамбли эстрадии «Садои Суғд» идома бахшид. Ӯро соли 2011 ба ансамбли «Дарё» ба кор пазируфтанд. Тӯли 6 сол вай аз устодон Саидқул Билолов, Қурбоналӣ Абдуллоев, Лола Азизова, Муҳаррама Шарифова ва дигарон нозукиҳои сурудҳои халқиро омӯхт ва мустақилона ба эҷоди суруд пардохт.
Гулбаҳор Шокирова аз соли 2017 ҳунарпешаи Ансамбли давлатии «Шашмақом» аст[2].
Ҷоизаҳо вироиш
Эзоҳ вироиш
- ↑ 1.0 1.1 Аз Абдуғаффору Моҳрухсор то Моҳпайкару Нигина. Киҳо унвони “халқӣ” ва “шоиста” гирифтанд?. www.asiaplustj.info. ASIA-Plus (31 августи 2023). 5 сентябри 2023 санҷида шуд.
- ↑ 2.0 2.1 О. Хоҷаева. Гулбаҳор Шокирова: «Бе мақом ҳеҷам». Бонувони Тоҷикистон (2020-05-50).