Левент Улген

Левент Улген
Левент Улген
	тур. Levent Ülgen
Ном ба ҳангоми таваллуд:	Ömer Levent Ülgen
Таърихи таваллуд:	8 август 1962 (62 сол)
Зодгоҳ:	Ҷаҳонбейлӣ, Қуния, Туркия
Шаҳрвандӣ:	Туркия
Касб:	ҳунарпеша
Корнома:	1980-то ҳол
Самт:	театр; телевизион; синамо
IMDb:	ID 0960372
	Парвандаҳо дар Викианбор

Левент Улген (тур. Levent Ülgen); тав. 8 августи 1962, Ҷаҳонбейлӣ, вилояти Қуния, Туркия) — ҳунарпешаи театр, синамо ва телевизиони турк.

Зиндагинома

Левент Улген 8 августи соли 1962 дар шаҳри Қунияи Туркия таваллуд шудааст. Мактаби миёнаи Иненуи Анқараро хатм намудааст. Баъдан дар шуъбаи физикаи Донишгоҳи техникии Шарқи Наздик таҳсил намуда, онро бо ихтисоси "муҳандис" хатм намудааст. Баъди хатми донишгоҳ 10 сол бо ихтисосаш дар заводе кор кардааст. Аммо завқи ҳунар ӯро водор намуд то дарсҳои ҳунарро аз бар намояд. Баъдан фаъолияти ҳунарияшро дар театри Ankara Halk" таҳти роҳбарии Эркан Юсел оғоз намудааст. Ӯ дар намоишномаҳои гуногуни ҳаёти барои кӯдакон ва калонсолон дар нақшҳои мухталиф ҳунарнамоӣ намудааст.

Пас аз марги Эркан Юсел, ӯ таҳти роҳбарии Рутқай Азиз ба театри Санъати Анқара (тур. Devlet Tiyatroları), ворид шуд. Дар намоишҳои гуногун дар ин театр бозӣ намуда, ӯ ҳуқуқи таҳсил дар шуъбаи театри Донишгоҳи Ҳаҷиттепаро ба даст овард. Пас аз хатми донишгоҳ дар театрҳои давлатӣ ба ҳайси ҳунарпеша ва коргардон кор кард. ЭДар ин давра ӯ унвони магистрро хатм кардааст.

Фаъолият

Левент бо нақши худ дар силсилафилми телевизионии "En Son Babalar Duyar", ки соли 2002 пахш шудааст, хеле маъруф шуд. Ҳоло ӯ дар театр ва синамо дар Анқара ва Истамбул фаъолият мекунад. Дар ширкати телевизион ва радиои Туркия барномаи "Bir Kelime Bir İşlem"-ро пеш мебурд. Ӯ дар "Созмони ҷамъиятӣ" фаъолона ширкат меварзад ва ихтиёран дар рӯзҳои ҷамъомад, ки аз ҷониби Маркази фарҳангии Насим Ҳикмат, ки аз соли 2007 гузаронида мешавад, иштирок менамояд. То ба имрӯз, Левент Улген дар 50 филм ва силсилафилмҳо ҳунарнамоӣ намудааст. Ӯ дар силсилафилми телевизионии "Kocaman Ailem" нақши Ҳулусӣ Коюнҷуро бозидааст. Ҳулусӣ, соҳиби заводи гӯшт буда, ҳангоми тоза кардани ҳавз қариб мемирад. Ин ӯро водор мекунад, ки дар бораи ҳаёташ фикр кунад. Ӯ тасмим мегирад, ки аз се зане, ки дар гузашта онҳоро ранҷонда буд, бахшиш пурсад ва аз Дамир хоҳиш кунад, ки онҳоро ёбад. Дамир онҳоро пайдо мекунад, аммо мушкил дар он аст, ки онҳо то ҳол хеле ғазабиянд. Ғайр аз ин, ҳар кадоме аз онҳо фарзанд дорад. Занон гирд омада, гулӯи Ҳулусиро гирифтанд ва талаб карданд, ки ӯ аз коре, ки кардааст, ҳисобот диҳад. Ва Ҳулусӣ дигар илоҷе надорад, гӯё ки хотираи худро гум кардааст ва ҳеч чизро дар хотир надорад... Соли 2015, ҳунарпеша дар мелодрамаи ҳаҷвии "Kiralık Aşk" нақши амаки қаҳрамони асосӣ Умарро (Бариш Ардуч) мебозад. Ин ҳикоя дар бораи як марди ҷавон ва ҷаззоб Умар аст, ки дар тиҷорати мӯд муваффақ аст... Ба хотири фоида, хешовандонаш мехоҳанд ӯро бо духтари зебое издивоҷ кунанд, ки танҳо Амрико баргаштааст. Аммо ӯ танҳо фикри зебогию худнамоиро дорад. Умар намехоҳад ба ӯ хонадор шавад. Тасодуфан ӯ бо як духтари ҷавон Дафна (Элчин Сангу), ки дар як қаҳвахона пешхизмат шуда кор мекунад, мулоқот мекунад, Оилаи духтар ба туфайли бародараш дар вазъияти мушкил қарор дорад. Барои халос шудан аз арӯси амрикоӣ Умар дар назди холааш Дафнаро мебӯсад. Холааш тасмим гирифт, ки аз ин вазъ истифода кунад ва Дафнаро барои расидан ба ҳадафи худ - ба ҷияни худ издивоҷ кунад. Соли 2019 силсилафилми телевизионии "Kuzgun" бароварда шуд, ки дар он ҳунарпеша нақши падари Дилоро бозидааст. Ҳунарпешаҳои ин силсилафилм : Бариш Ардуч, Бурҷу Бириҷик, Саттор Танроген, Хатича Аслан ва дигарон мебошанд.

Соли 2020, ба ҳунарпеша нақши асосиро дар силсилафилми ҳаҷвии тобистонаи "Ҷавононӣ ёдат ба хайр" (Gençliğim Eyvah), дар нақши Зикириё Бозоғлу пешниҳод карданд. Ҳамроҳи Чингиз Бозкурт, онҳо ду марди ҳамсояро мебозанд, ки бо ҳам рақобат мекунанд. Ҳунарпешаҳои маъруф : Бурак Тозкопаран, Элиф Доған, Экин Мерт Даймаз ва дигарон низ ҳунарнамоӣ намудаанд, ки силсилафилм дар шабакаи "atv" пахш шудааст.

Ҳаёти шахсӣ

Левент Улген бо ҳунарпешаи театр Тулай Бурса хонадор шудааст. Аммо издивоҷи онҳо дер давом накард. Онҳо соҳиби як фарзанд мебошанд.

Филмнома

Kurşun Adres Sormaz - 1992
Mavi Sürgün - Полис 1993
Gelincik Tarlası - 1993
Kurtuluş - Албай Кенон 1994
80. Adım - Коркут Лачин 1996
Yılan Hikayesi - Мураккаб Қодир 1999
Köstebek Cüneyt - Ҷунайд Верел 1999
Tutku Çemberi - 2000
Bizim Evin Halleri - Нусрат 2000
En Son Babalar Duyar - Қодир 2002-2006
Keje - Ронандаи автобус 2002
Havada Bulut - Кабзимал Байрам 2002
Çocuklar Duymasın - Беҳчет 2002
Yuvadan Bir Kuş Uçtu - Иброҳим 2003
Gelin - Верис 2003
Hayat Apartmanı - Содиқ 2007
Mahşer-Nabucco'nun Zehri - Алӣ Килич 2007
Görgüsüzler - Баккаҷ 2008
Akasya Durağı - Синон Кая 2008-2012
Bayrampaşa: Ben Fazla Kalmayacağım - Тунҷар 2007
Hayatın Tuzu - Шаҳсувар 2009
Nene Hatun - Явуз Хоҷа 2010
Devrimden Sonra - Полис 2011
Bizim Okul - Сифирҷӣ Зиё 2013
Arka Sokaklar - Шавқат Ҳор 2009
Salih Kuşu - Солиҳ ва Бахтиёр 2013
İnadına Yaşamak - Кибрислӣ
Bizum Hoca - Камол 2014
Roman Havası - Ҳайдар 2014-2015
Kiralık Aşk - Наҷмӣ Ипликҷӣ 2015-2017
Niyazi Gül Dörtnala - Ризо 2015
Terkedilmiş - Зангин 2015
Araf 2 - 2016
Bir Șey Değilim - 2016
Kızkaçıran - 2016
Aşk Ve Gurur - Аҳмад Эсен 2017
Her Şey Mümkün - Илёс 2017
Hayati ve Diğerleri - Данял - 2017-2018
Kocaman Ailem - Хулусӣ - 2018
Kuzgun - Рифат Билгин - 2019
Gençliğim Eyvah (Ҷавонӣ ёдат ба хайр) - Зикириё Бозоғлу - 2020
Menajerimi Ara - Худаш - 2021

Нигаред низ

Феҳристи ҳунарпешаҳои марди Туркия